Matayo 5:18 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁸ Tai namuĩĩla; ‘Sunga igyulu nĩnsĩĩ pĩna zijililega, koolua kamuĩ katia kalutonua kamuĩ sika kikileegigua muUlagĩĩlio sunga tũlũ zensi zikondeeligue.

Matayo 5:18 ပူးပေါင်းရင်းမြစ်များ

Matayo 10:15

Tai namuĩĩla, ikitũla itontũ ĩnsĩĩ ya Sodomũ nĩGomola kwigigimĩlĩa palutondo lwa ulamulua kwikĩla ĩkaa niasio.

Matayo 10:23

Pĩna ĩkakumuĩnga mukaa ĩĩ talamĩlĩ yĩngĩ. Tai namuĩĩla. Sika mukakuzimala ikaa za ĩSilaeli sunga waaze uMuana-muntu.

Matayo 10:42

Wensi kanga wamupeele umuĩ wa ĩa naaniino sunga ĩkĩĩko kya maazĩ namapolo kunsooko mumanigua, tai namuĩĩla, sikukilimĩĩlia kainiino ĩkĩpeegua kiakue.”

Matayo 11:11

“Tai, namuĩĩla, Sika alĩ walakigyela kaumuĩ muwĩleli wa asungu namukulu kwikĩla uYohana Mubadĩĩzia; ĩpa namuniino muutemi wa kwigyulu ingĩ mukulu kwikĩla uyo.

Matayo 13:17

Tai namuĩĩla. ĩAnakĩdagu nĩanakulukuuluu iingĩ alĩ atĩĩte nsula kwiona namukumaona inie, sika naamaona; nukwiiigia namukuziigia inie, sika naaiigia.”

Matayo 16:28

Tai namuĩĩla, naĩĩmĩkile ĩpa, akoolĩ naĩngĩ nasika ikilũla kaukiu, sunga amuone uMuana-muntu wijile muutemi waakue.”

Matayo 17:20

ũYesu nuaĩĩla, “Kunsooko ya uniino wa usuĩĩli waani.” Tai, namuĩĩla, kanga ĩmutĩĩte usuĩĩli zĩ kapeke ka mbeu ya haladali, mukumĩĩĩla ĩnkonko ĩĩ, “Lega ĩpa wende uko, ndĩo ilega kutilĩ nasika lũshũũmĩka kumiani.”

Matayo 18:18

“Tai namuĩĩla, luensi namukakulugilia munansĩĩ, lwakondile kwigiligua kwigyulu; luensi namukakulugomba muna nsĩĩ, lwakondile kwigombigua kwigyulu.

Matayo 18:3

nuũga, “Tai namuĩĩla, kanga musiitipĩluka mutũle zĩ ang'inia, sika mukiingĩla kainiino muutemi wa kwigyulu.

Matayo 19:23

Paapo ũYesu nuaĩĩla ĩamanigua aakue, “Tai namuĩĩla ikitũla ikakũ dũũ kumugolĩ kwiingĩla muutemi wa kwigyulu.

Matayo 19:28

ũYesu nuaĩĩla, “Tai namuĩĩla, pĩna uMuana-muntu ukakikyalansa mũtyengu lya kĩtemi lya ukulu waakue muunkũmbigyulu naupia, inie naalĩ muntiatile, niniinie mukakikyalansa mumatengu makitemi na mikyumi namabĩlĩ, ĩmukuzilamula induuli kyumi nazibĩlĩ za ĩSilaeli.

Matayo 21:21

ũYesu nushookeelia, nuaĩĩla, “Tai namuĩĩla, Kanga muĩnuusuĩĩli, ĩmuagila kankankani, mukitenda sika lĩĩlo dũũ ĩlya mukuu, ĩpa sunga kanga mumĩĩĩle ĩnkonko ĩĩ, Kuuluka, utaague munanza, ikitendeka.”

Matayo 21:31

Muĩa naabĩlĩ, nuĩmbi naalutendile uulooa wa kishee?” Naaũga, “Nwa mwandio.” ũYesu nuaĩĩla, “Tai namuĩĩla, ĩasangulia-koodi nĩagololia atongĩĩle kuntongela yaani kwiingĩla muutemi wa kĩNzua.

Matayo 23:36

Tai nukumuĩĩla, izi tũlũ zikiiiza kuwĩleli uu.”

Matayo 24:2

ũYesu nuashookeelia, nuaĩĩla, “Sika mumaooniene aya tũlũ. Tai, namuĩĩla, Sika likishaaga kigyũe mukiania igyũe nasikalikigumulua.

Matayo 24:47

Tai namuĩĩla, ukakumuĩĩka wĩĩmukulu munsao zakue tũlũ zensi.

Matayo 25:12

Ĩpa nuashookeelia, nuũga, ‘Tai namuĩĩla, sika numuĩzĩ inie.’

Matayo 25:40

uMutemi ukakuashookeelia, ‘Tai namuĩĩla, kĩna alĩ mukumutendela umuĩ waao wa anũna aane naaniino, alĩ mukutndelaa uneene.’

Matayo 25:45

Paapo ukakuashookeelia. Tai namuĩĩla, kĩna sika alĩ mukumutendelaa umuĩ waao wa anũna aane naaniino, iio gua, sika alĩ mukutendelaa nineene.’

Matayo 5:26

Tai nakuĩĩla, Sikukipũna muasio sunga ukalĩpe ĩkasenti ĩka mumalĩĩlio.”

Matayo 6:16

“Pĩna mulaalĩĩle gua, mulekishuununala zĩ anamampĩlu, kuitĩ akoonoonaa uusiu waao itĩ igyelele kuantu kĩna alaalĩĩle. Tai namuĩĩla. Aligilie ĩkĩpeegua kiao.

Matayo 6:2

Luulo gua, pĩna wipũnia ĩshongelio, ulekikua idyede ntongela yaako, kĩna ĩanamampĩlu akutenda mumasũnagogi numunzĩla koona akũmuukigue nĩantu. Tai namuĩĩla. aligilie ĩkĩpeegua kiao.

Matayo 8:10

ũYesu pĩna nũigia izi, nukulĩlua, nuaĩĩla naalĩ amutiatile, “Tai, namuĩĩla, sunga muĩSilaeli sika nalaona usuĩĩli naukulu kĩna uu.

Maliko 10:15

Tai namuĩĩla, uNuasio nasikuwaanũnkuĩle uutemi wa kĩNzua zĩ mung'inia sika ukakuwingĩla kainiino.

Maliko 10:29

ũYesu nuũga, “Tai taaii namuĩĩla, muntu wensi nulekile ĩnumba katia mĩgunda kunsooko yane nukusooko ya Mpola na Nziiza

Maliko 11:23

Tai namuĩĩla, Wensi nukakumĩĩĩla ĩnkonko ĩĩ, Kuuluka utaague munanza, sunga walekitũla ninkankani munkolo yaakue, ĩpa wasuĩĩle kĩna zaasio nwitambulla zitendeke, zikitũla zaakue.

Maliko 12:43

Nuĩĩta ĩamanigua aakue, nuaĩĩla, tai namuĩĩla, uMukiĩlua uyu namutũka uĩĩkĩĩle nangũlũ kwikĩla tũlũ naiĩĩkĩla muuĩĩkĩlo wa sadaka,

Maliko 13:30

Tai nukumuĩĩla, uluuli ulu sika lukikĩla sunga aya tũlũ mensi makondeeleke.

Maliko 14:18

Nindĩo pĩna alĩ ikyalansile pandia nailĩa, ũYesu nuũga, “Tai namuĩĩla, umuĩ waani nwilĩa ensi nineene ukinshakia.”

Maliko 14:25

Tai namuĩĩla, Sika nikikopa kangĩ uupĩi wa mĩkali ya mĩzabiibu sunga palutondo luasio pĩna nĩkakuukopa naupia muutemi wa kĩNzua.

Maliko 14:30

ũYesu numuĩĩla, tai nakuĩĩla, ue nantende muna utiku wau-waauu, umunbĩ ĩkaa wikaalĩ kalakunkula nkua zibĩlĩ, ukinkaana nkua zitatu.

Maliko 14:9

Tai namuĩĩla, kuensi kĩna iMpola na Nziiza zikitanantigua muna unkũmbigyulu wensi, naalutendile uyu lukiganulua kuwijukĩlo waakue.”

Maliko 3:28

Tai namuĩĩla, ĩaana-antu ikileegeligua uutimu wensi nuutuki waao wensi naikipũnia,

Maliko 6:11

Nĩpaasio pĩna sika amusũgamĩĩlia katia kukumũigia, mulege paasio, lukũnũntĩ ulunkundĩ naluĩlĩ mumĩgulu yaani, wĩĩ ukuili kumiao.

Maliko 8:12

Nwĩsũsũma munkolo yaakue, nuũga, nĩkĩ widũũma ĩkĩlĩngasĩĩlio? Tai namuĩĩla inie, uwĩleli uu sika ukipeegua kakĩlĩngasĩĩlio.

Maliko 9:1

Nuaĩĩla, tai namuĩĩla, akoolĩ naĩĩmĩkile ĩpa, sika ikilũla kankia sunga auone uutemi wa kĩNzua wijile kungũlũ.

Maliko 9:41

Wensi nukakumukopia inie ĩkĩĩko kya maazĩ kunsooko inie mwĩantu a kĩKilisito, tai namuĩĩla sika ukiulia ĩkĩpeegua kiakue.

Luka 11:51

Kwipũna ĩmĩgali ya kĩAbeli sunga ĩmĩgali ya kĩZakalia naalĩ muulague pakatĩ ya upolelio nĩnumba ya kĩNzua. Eeze, namuĩĩla ya kĩna ĩkishokigua kuwĩleli uu.

Luka 12:37

Aliukũ ĩĩtumi aasio, pĩna ũShekulu waao ukiiza waagaane alaĩĩle. Tai namuĩĩla, ukakĩtũnga nukukuasũgamĩĩlia pandia, ukiiiza nukukuatumĩla.

Luka 13:35

Laaĩ, ĩnumba yaani yaazaa shaamua! Kuitĩ namuĩĩla, sika mukimona sunga pĩna mukiũga, wakũmazukigue nũjile muliina lya kĩShekulu.”

Luka 16:17

Ĩpa itontũ igyulu nĩnsĩĩ zilimansĩĩligue kwikĩla katonua kamuĩ ka Ulagĩĩlio kwioononeka.

Luka 18:17

Tai namuĩĩla, unuasio nasikukuwaanũnkulaa uutemi wa kĩNzua zĩ mung'inia sikukuwingĩla kainiino.”

Luka 18:29

Nuaĩĩla; “Tai namuĩĩla, Kutilĩ nulekile numba katia musungu, katia anũna, katia aleli, katia aana kunsooko ya utemi wa kĩNzua

Luka 23:43

ũYesu numuĩĩla; Tai nakuĩĩla, nantende yoĩ ukitũla palumuĩ nineene muPaladiiso.

Luka 4:24

Nuũga “Tai namuĩĩla, Kutilĩ kamunakĩdagu nukugombagiguaa munsĩĩ yaakue umuene.”

Yohana 1:51

Numuĩĩla, “Tai-taaii namuĩĩla, mukakulĩona igyulu lyakũnukuka nĩamalaĩka a kĩNzua inankĩla nukwiiika muMuana-muntu.”

Yohana 10:1

“Tai-taaii namuĩĩla, nasika ukũingĩĩlaa pamulango wa mpongolo wa nkolo ĩpa wapũũtĩle pĩngĩ, unuasio ingĩ mũii kangĩ muleegelania.

Yohana 10:7

Iio ũYesu nuũga kangĩ, “Tai-taaii namuĩĩla, Ĩne neene numulango wa nkolo.

Yohana 12:24

Tai-taaii namuĩĩla, ĩmpekipemba kanga ĩsiite kwigua munsĩĩ nukwikĩa, ikikyala ing'ene. Kanga ĩkie, yukupĩaa upĩi wingĩ.

Yohana 13:16

Tai-taaii namuĩĩla, uMusese sika mukulu kwikĩla ũShekulu waakue, katia umutumua sika mukulu kwikĩla numutumile.

Yohana 13:38

ũYesu nushookeelia; Ukĩpũniane uuumĩ waako kunsooko yaane. Tai-taaii nakuĩĩla, uMumbĩ sika ukikunkula pina uwe ukawankana nkua zitatu.

Yohana 14:12

“Tai-taaii namuĩĩla, nusuĩlĩĩle mumuane, ĩmĩlĩmo nanĩkĩtuma ĩne nduzo ukakuĩtuma, kangĩ namĩkulu kwikĩla ĩĩ ukakĩtuma kunsooko nalongolaa kwa kĩTata.

Yohana 16:20

Tai-taaii namuĩĩla, mukikuuta kĩlĩlo nukwilĩla inie, ĩpa uunkũmbigyulu ukilumba; inie mukileetelua usungu, ĩpa uusungu waani ukikaĩlĩka wĩĩ ulumbi.

Yohana 16:23

Mulutondo luasio sika mukinkolia kalukaani. Tai-taaii namuĩĩla, luensi kanga mumulompe uTata muliina liane ukakumupeela.

Yohana 21:18

Tai-taii nakuĩĩla, Pĩna alĩ umusumba ulukĩtũngaa nukwiumba kĩna umuloe, ĩpa pĩna ukinampaala, ukigolola ĩmĩkono yaako, wĩngĩ ukakukutũnga, ukakukutuala kĩna sikumuloe.”

Yohana 3:11

Tai-taaii nakuĩĩla, nakulumanile kukulutambulaa; nakuluoonie kukulukuĩlaa, nuukuĩlĩ wĩĩtu sika mugombile.

Yohana 3:3

ũYesu nushookeelia numuĩĩla, “Tai taaii nakuĩĩla, tũlũ wensi kanga wasiitilelua kaubĩlĩ sika wishũũma kukuuona uutemi wa kĩNzua.”

Yohana 3:5

ũYesu nushookeelia, “Tai-taaii nakuĩĩla, muntu kanga wasitilelua kumaazĩ nukwa kĩMuau, sika wishũũma kwiingĩla muutemi wa kĩNzua

Yohana 5:19

Iio gua ũYesu nushookeelia, “Tai-taai namuĩĩla, uMuana sika wishũũma kwitenda kalukaani wing'ene, ĩpa luensi nuoonie uTata witenda; kuitĩ kĩna ukutendaa uyo, iio nuMuana ukuzitendaa zizo-ziizoo.

Yohana 6:26

ũYesu nushookeelia nuũga, “Tai-taaii namuĩĩla mwindũũma, sika kunsooko alĩ muoonie ilĩngasĩĩlio, ĩpa kunsooko alĩ mulĩĩle ĩmapũli namwikyuta.

Yohana 6:32

ũYesu nuaĩĩla, “Tai-taaii namuĩĩla, sika Musa naalumupĩĩle ĩndia nya tai kwipũna kwigyulu, ĩpa uTata waane ukumupeelaa ĩndia nya tai kwipũna kwigyulu.

Yohana 6:47

Tai-taaii namuĩĩla, nusuĩlĩĩle utĩĩte uupanga wa kalĩ nakalĩ.

Yohana 6:53

Paapo ũYesu nuaĩĩla, “Tai-taaii namuĩĩla, kanga musiite kuulĩa umuĩlĩ wa Muana-muntu nukwikopa umugali waakue, muagila kaupanga munsĩ yaani.

Yohana 8:34

ũYesu nuashookeelia, “Tai-taaii namuĩĩla, Tũlũ wensi nukutendaa umulandu ingĩ musese wa mulandu.

Yohana 8:51

Tai-taaii namuĩĩla, tũlũ wensi kanga wakendegeele ulukaani luane sika ukiona kaukiu sunga ĩkalĩ nakalĩ.”

Yohana 8:58

ũYesu nuaĩĩla, “Tai-taaii namuĩĩla, pĩna uIbũlahimu alĩ wikaalĩ, ĩne nankoolĩ.”

1 Petelo 1:25

Ĩpa ulukaani lwa kĩNzua lukikyalaa sunga ĩkalĩ nakalĩ. Nulukaani luasio luulo Mpola naNziiza naalĩ ntanantigue kunsiani.”

Ukũnukulua 20:11

Namona tyengu lya kĩtemi, kyulu lielu, ninduyo nwikyalansile muliasio, ntongela yaakue ĩnsĩĩ nigyulu nazitalama, paluandĩ luao sika naigyelela kangĩ.