Matayo 5:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ Iio-iioo uweelu waani weelie ntongela ya antu, aone uutendi waani nauuza, amukulie uTata waani nwa kwigyulu.”

Matayo 5:16 ပူးပေါင်းရင်းမြစ်များ

Matayo 23:5

Kangĩ uutendi waao wensi akutendaa itĩ alaaue nĩantu. Akugalĩmpagiaa impĩgĩ zaao, akongeelagiaa ĩmasogolo na ntiila zaao;

Matayo 23:9

Kangĩ muna nsĩĩ muleke kumuĩta kamuntu tata, kuitĩ utata waani ingĩ umuĩ, nwa kwigyulu.

Matayo 5:45

koona mutũle aana a kĩTata waani nwa kwigyulu; kuitĩ ukuatuĩlagiaa ĩmpasu yaakue ĩabĩĩ nĩnaaaza, nukukuakuĩlia ĩmbũla ĩanakulukuuluu nĩnasika akulukuuluu.

Matayo 6:16

“Pĩna mulaalĩĩle gua, mulekishuununala zĩ anamampĩlu, kuitĩ akoonoonaa uusiu waao itĩ igyelele kuantu kĩna alaalĩĩle. Tai namuĩĩla. Aligilie ĩkĩpeegua kiao.

Matayo 6:9

Luulo gua, inie lompĩ itĩ; “Tata wĩĩtu nukoolĩ kwigyulu, ĩLiina liako lieligue.

Matayo 9:8

ĩMaũmbĩ pĩna namaona naoopoka, naamukulia uNzua naalĩ waapĩĩle ĩantu usũũmi kĩna uu.

Luka 11:2

Nuaĩĩla; Pĩna mwilompa ũgĩ, “Tata wĩĩtu nukoolĩ kwigyulu, ĩLiina liako lieligue, uUtemi waako uuze uUlooa waako utendue muna nsĩĩ kĩna ukutendeguaa kwigyulu.

Yohana 15:8

Iio uTata waane ukukulagiguaa, pĩna mukupĩaa inkali naningĩ; niniinie mukitũla amanigua aane.

Utendi 9:36

Numumanigua umuĩ alĩ wĩĩlĩ kũYopa, ĩliina liakue Tabita, ĩndogolelio yaakue Dolikasi katia mpala. Alĩmũjulue nuutendi nauuza, niipeelo iingĩ naalukuipũnagiaa.

1 Akolinto 14:25

paapo iimpisĩ-mpisĩ ya nkolo yaakue naigyelela; iio nukwigua kĩsali-kĩsali nukukumutekela uNzua; ĩwikũmuula kĩna tai uNzua ukoolĩ pakatĩ yaani uniinie.

2 Akolinto 9:13

Muugemua wa wĩtumi waasio mukakumukulia uNzua kunzĩla ya wĩniinupia waani, pĩna mwigomba iMpola na Nziiza za kĩKilisito, nukunsooko ya ukende wa ukamantani waani kumiao nukuantu tũlũ;

Agalatia 1:24

Naamukulia uNzua kunsooko yaane.

Aepeso 2:10

Kuitĩ kwĩmulĩmo waakue, alĩ kuaumbue mwa kĩKilisito Yesu kutende utendi nauuza, uo uNzua naaluzĩpĩĩlĩĩlie kwipũna umuandio, kugendele muwaasio.

Aepeso 5:8

Kuitĩ ĩkalĩ alĩ mwĩkiiti, ĩpaino mwatũlaa weelu mwa kĩShekulu; gendelĩ zĩ aana a weelu. (

1 Atesaloniki 2:12

mugendele kĩna ijĩpĩĩle kumiani kwa kĩNzua nukumuĩta mũingĩle muutemi waakue nuukulu waakue.

1 Timoteo 2:10

ĩpa gua, ĩoogeelie kuutendi nauuza, kĩna ĩijĩpĩĩle ĩasuungu naakukũmuula kĩna akumukulagiaa uNzua.

1 Timoteo 5:10

namukuĩlue kuutendi nauuza, kanga alĩ mukendegeelaana, kanga alĩ musũgamĩĩlia agenda, kanga alukioogagiaa, ĩeelu ĩmũgulu, kanga aluukuaalĩĩlagiaa naakuagagiguaa, kanga aluutiatile utendi wensi nauuza.

1 Timoteo 5:25

Iio-iioo nuutendi nauuza wĩkualiĩ; sunga uuo nasika wĩkualiĩ sika usũũmile kũpisĩgua.

1 Timoteo 6:18

Atende namaaza, atũle agolĩ kuutendi nauuza, apũnie inshao zaao kuukende, akamantane nĩnaĩngĩ muusilĩlua waao.

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Tito 2:7

ĩukĩlagĩĩla uuue muene mumpola tũlũ zĩ mpiani ya utendi nauuza, sunga muumanigua waako wĩlagĩĩle uukamĩnkĩĩlũ nuwijĩpĩli,

Tito 3:14

ĩAntu ĩĩtu ndĩo ĩmanie kukĩkamatĩkia muutendi nauuza kumĩtumĩlo namasiiwe, alekitũla zĩ makota namagila kankali.

Tito 3:4

Ĩpa itĩ uuza wa Mugũni wĩĩtu uNzua nuuloogua waakue kuantu pĩna alĩ wigyelĩĩle, nukugũna;

Aebulania 10:24

Kwĩkendegele ndiishie kundiishie nukukĩsuagĩĩlia kungũlũ muwĩloogua nuutendi nauuza.

1 Petelo 2:12

Muĩ nulugendo naluuza pakatĩ ya ndugu nazĩngĩ, itĩ kanga ĩakumutũngia kĩna mukutendaa mabĩĩ, pĩna alaaile uutendi waani nauuza, amukulie uNzua palutondo lwa kuuza kwilĩngulua.

1 Petelo 2:9

Ĩpa inie mwĩluuli nalusaagulue, mwĩ apolia a kĩtemi, mwĩndugu nanzelu, mwĩnsao za kĩNzua, mukũmuukie ulukũmo luakue nalumuĩtile mupũne mukiiti mũingĩle muweelu waakue wa ukulĩlua.

1 Petelo 3:1

Iio niniinie asungu, mwĩniinupie paagoosia aani; koona malĩĩ akoolĩ agoosia nasika alugombile uLukaani, kulugendo lwa asungu aao pĩna kutilĩ uLukaani luasio.

1 Petelo 3:16

Muĩ numoo namuuza, koona mulukaani luasio muna mwiooneeligua ya kĩna muatenda mabĩĩ, akoligue inshoni ĩaasio naakulutukaa ulugendo luani naluuza mwa kĩKilisito.

1 Petelo 4:11

Wensi nwitambula, nwalikitie zĩ inkaani za kĩNzua; wensi nawaa kĩtuma, nwĩtumĩle mungũlũ namupeegue nuNzua, koona uNzua wakuligue mumpola tũlũ kunzĩla ya kĩYesu Kilisito. uUkulu nuusũũmi ingĩ kumuakue sunga ĩkalĩ nakalĩ yukutilĩ kampelo. Amini.

1 Petelo 4:14

Kanga mutukue kunsooko ya liina lya kĩKilisito mualiukũ, kuitĩ uMuau wa ukulu nuwa kĩNzua wamũkyalĩĩle.