Matayo 4:23 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²³ Nduyo alukupilimaa muGalĩlaya yensi, nwimania mumasũnagogi maao nukwitanantia iMpola naNziiza za utemi, nukwikamia uuluĩle wensi nĩmaulemua mensi muantu.

Matayo 4:23 ပူးပေါင်းရင်းမြစ်များ

Matayo 11:5

ĩapokũ iona, ĩanaketele igenda, ĩanamatana ieeligua, ĩanakĩlĩmba iiigia, ĩakiu iiiukigua, nĩatũka itanantĩligua iMpola naNziiza.

Matayo 12:9

Nulega kuasio, nũingĩla mũshũnagogi liao.

Matayo 13:19

Wensi nukulũigagiaa ulukaani lwa utemi walekilĩnga, ukuuzaa umubĩĩ nulupũla naluminzue munkolo yaakue; izi zozi naalĩ minzue panzĩla.

Matayo 13:54

Pĩna nupika munsĩĩ yaakue nuĩ kuamania mũshũnagogi liao, sunga naakũmia, naaũga, “Waligĩlia mpĩĩ uzu ĩmasaala aya ningũlũ izi?

Matayo 14:14

ũYesu pĩna nupika kũtyumbĩ nulĩona iyũmbĩ kyulu, nuakolelua kĩnishungu, nuakamia ĩaluĩle aao.

Matayo 24:14

niMpola naNziiza izi za utemi zikitanantigua muunkũmbigyulu tũlũ, wĩĩ ukuĩli kundugu zensi; paapo ĩmpelo ikipika.”

Matayo 3:2

“Pelĩ, kunsooko uutemi wa kwigyulu wasũgamĩlaa.”

Matayo 9:35

NũYesu alĩ wipilima mukaa zensi numũishaalĩ, nwimania mumasũnagogi maao, nukwitanantia iMpola na Nziiza za utemi, nukwikamia uuluĩle wensi nuuneketũ wensi.

Maliko 1:14

uYohana Pĩna alĩ mutũngue mukĩtũngo ũYesu nuenda kũGalilaya, nũitanantia iMpola naNziiza za kĩNzua,

Maliko 1:21

Naingĩla muKapelinaũmũ; ĩkamuĩ palutondo lwa wikyali nũingĩla mũshũnagogi, nũimania.

Maliko 1:39

Nuenda nutanantia mumasũnagogi mao munsĩĩ yensi nya Galĩlaya, nukwiĩnga ĩmasĩĩmuĩ.

Maliko 3:10

Kuitĩ aluakamilie iingĩ, sunga tũlũ naalĩ akuagaa naamupilimĩkĩlia koona amuapaatie.

Maliko 6:2

Pĩna alĩ lutondo lwa wikyali, nuandia kwimania mũshũnagogi. Iingĩ, pĩna naiigia naakũmia, naiũga, upũnilie mpĩĩ izi? Kangĩ masala kĩ naalĩ mupeegue uyu? Nĩmakula kĩna aya ma mĩkono yakue mitendeka mbii?

Maliko 6:6

Nukulĩlua kuusiitishuĩĩla waao. Nũipilima-pilimaa mũishaalĩ nukwimania.

Luka 10:9

muakamie ĩaluĩle naakoolĩ; muaĩĩle; ‘uUtemi wa kĩNzua wasũgamĩĩlaa kumuani.’

Luka 13:10

Palutondo lwa wikyali alĩ wimania mũshũnagogi lĩmuĩ.

Luka 16:16

“uUlagĩĩlio nĩAnakĩdagu alĩ ikoolĩ sunga kuntondo za kĩYohana; kwipũna ĩmatũngo maao iMpola naNziiza ĩza utemi wa kĩNzua zukutanantagiguaa, numuntu wensi ukĩingĩlagiaa kungũlũ.

Luka 20:1

Lutondo lumuĩ pĩna alĩ wimania ĩantu munumba ya kĩNzua nukwitambula impola nanziiza, ĩapolia naakulu nĩalangi palumuĩ nĩanampala naamuagaana.

Luka 4:14

ũYesu nushooka ningũlũ za kĩMuau, nuenda kũGalilaya; impola zaakue nazikũmuuka munsĩĩ tũlũ nazĩpiipĩ.

Luka 5:17

Palutondo lumuĩ lwa ntondo zaasio alĩ wimania alĩ akoolĩ Apalisayo nĩalangi alĩ ikyalansile naalĩ apũnile mũishaalĩ yensi ya Galĩlaya nuUyahũdi niYelusalemũ. Nuusũũmi wa kĩShekulu alĩ wĩpalumuĩ ninduyo kwikamia.

Luka 6:17

Nutima palumuĩ ndĩo nuĩmĩka paweeleela palumuĩ niyũmbĩ lya amanigua aakue numulundo namukulu wa antu naalĩ upũnile muUyahũdi wensi numũYelusalemũ numunkilimbua za Tilo nĩSidoni; naalĩ ijile kukumũigia nukwikamigua uuluĩle waao;

Luka 6:6

Palutondo luua lwa wikyali nũingĩla mũshũnagogi nukwimania. Muasio alukoolĩ muntu, mukono waakue wa kĩgoosia alĩ mulema.

Luka 7:21

Nityũngo lĩĩlo-lĩĩloo alĩ waakamilie iingĩ ĩmauluĩle maao ninjago nĩmasĩĩmuĩ, nĩapokũ iingĩ nualaĩlia.

Luka 7:22

Paapo nushookeelia nuaĩĩla, “Lendĩ, mumuĩĩle uYohana namuzioonie nukukuziigia ĩapokũ iona, ĩanakĩtele igenda, ĩanamatana ieeligua, ĩanakĩlĩmba iiigia, ĩakiu iiiukigua, ĩatũka itanantĩligua impola na Nziiza.

Luka 8:1

Pĩna naikĩla yaasio, alĩ wipilima-pilima mukaa numuũishaalĩ nũitanantia iMpola Nanziiza ĩza utemi wa kĩNzua. Nĩaasio naikyumi naabĩlĩ alĩ yĩpalumuĩ ninduyo,

Luka 9:11

Ĩpa ĩmaũmbĩ pĩna namamana namamutiata; nuasũgamĩĩlia nuĩ kuatambuĩla impola za utemi wa kĩNzua, nuakamia ĩaasio naalĩ asiiile kwikamigua.

Luka 9:60

Numuĩĩla, “Aleke ĩakiu aaĩĩke ĩakiu aao, ĩpa ue lenda uutanantie uutemi wa kĩNzua.”

Yohana 18:20

ũYesu nushookeelia, “Ĩne alĩ ntambuĩle tengetenge muna unkũmbigyulu; ĩne intondo tũlũ nukumanagiaa mũshũnagogi numuNumba ya kĩNzua pĩna ĩkĩlundĩĩlĩĩlaa ĩAyahũdi tũlũ; sika ntambuĩle kalukaani kukĩmpisĩ-mpisĩ.

Yohana 6:59

iNkaani izi alĩ witambula mũshũnagogi pĩna alĩ wimania muKapelinaũmũ.

Yohana 7:1

Pembele ũYesu nũipilima muGalĩlaya; sika nusiia kwipilima muUyahũdi kunsooko ĩAyahũdi alĩ idũũma kukumuulaga.

Utendi 10:38

impola za kĩYesu wa kuNazaleti, kĩna uNzua alumupakile ĩmakũta kuMuau Muelu ningũlũ; nduyo nupilima uko ninduuko nukwitenda naiiza nukukuakamia tũlũ naalemeeligue nũShetani, kunsooko uNzua alĩ ĩpalamuĩ ninduyo.

Utendi 18:4

Nwĩtambuĩlaa nĩantu mũshũnagogi palutondo luensi lwa wikyali, nualũta ĩAyahũdi nĩAgiliki.

Utendi 20:25

“Laaĩ, ĩpaino ĩne manile kĩna inie tũlũ ensi, pakatĩ yaani naalĩ numutanantĩĩlie impola za utendi wa kĩNzua, sika mukiona uusiu waane kangĩ.

Utendi 28:31

nukukuzitanantia impola za utemi wakĩ Nzua, nukukuzimania impola zakĩYesu Kilisito kuukamatĩkũ wingĩ, sika nugiligua numuntu.

Alumĩ 10:15

Kangĩ atanantie mbii pĩna sika atumue. Kĩna yandĩkue, “Laaa kĩna yukuloeelagiaa ĩmĩgulu yaao naitanantia impola nanziiza.”