Matayo 26:34 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁴ ũYesu numuĩĩla, “Tai nakuĩĩla, uutiku uu, umumbĩ ukaa wikaalĩkalakunkula, ukinkaana nkua zitatu.”

Matayo 26:34 ပူးပေါင်းရင်းမြစ်များ

Matayo 26:33

uPetelo nushookeelia, numuĩĩla, “Kanga tũlũ ensi ashooke kunũma kunsooko yaako, ĩne sika nikitenda yaasio kainiino.”

Matayo 26:75

Paapo uPetelo nulũjuka ulukaani lwa kĩYesu naalumuĩĩlĩĩle, “uMumbĩ yũkĩĩlĩ kalakunkula, ukinkaana nkua zitatu.” Nupũna kunzi nulĩla kuusungu dũũ.

Maliko 14:72

Ĩkamuĩ umumbĩ nukunkula nkua ya kabĩlĩ. uPetelo nulũjuka ulukaani luasio naalĩ muĩĩlue nũYesu, “uMumbĩ ĩkaa wikaalĩ kalakunkula nkua zibĩlĩ, ukinkaana nkua zitatu.” Pĩna nulupindĩkia, nulĩla.

Luka 22:34

Nuũga; “Nakuĩĩla Petelo, umumbĩ sika ukikunkula nantende ĩĩ sunga ukinkaana nkua zitatu ya kĩna sikunzĩzĩ.”

Luka 22:61

ũShekulu nupĩluka, numulaaĩkia uPetelo. uPetelo nulũjuka ulukaani lwa kĩShekulu naalumuĩĩlĩĩle; “Nantende yoĩ pĩna umunbĩ ukaa wikĩĩlĩ kalakunkula ukinkaana nkua zitatu.”

Yohana 13:38

ũYesu nushookeelia; Ukĩpũniane uuumĩ waako kunsooko yaane. Tai-taaii nakuĩĩla, uMumbĩ sika ukikunkula pina uwe ukawankana nkua zitatu.