Matayo 24:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ “Paapo ĩkakumusongeela inie muligie impatĩ, nukukumuulaga; kangĩ indugu tũlũ zĩkakumusuukĩlua kunsooko ya liina liane.

Matayo 24:9 ပူးပေါင်းရင်းမြစ်များ

Matayo 22:6

naalĩ asaagile naaaguĩla ĩĩtumi naaagaalĩla naaaulaga.

Matayo 23:34

Luulo gua, laaĩ, ĩne ntumile kumiani anakĩdagu nĩanamasala nĩalangi. Muĩa, ĩĩĩa mukakuaulaga nukukuakononteela mumusalaba; ĩĩĩa mukakuakuangĩĩla mumasũnagogi maani, nukukuaĩnga kaa kukaa,

Luka 11:49

Kunsooko ĩĩ ĩmasala makĩNzua alĩ maũgile; ‘Nĩkakuatuma kunsiao anakĩidagu nĩatumua, nĩndĩo ĩkakuaulaga ĩĩĩa nukukuaĩnga,’

Luka 21:12

Ĩpa pĩna aya tũlũ mikaalĩ kukigyelela ĩkakumuguĩla inie nukukumuagia; ĩkakumutuala kumasũnagogi nukũitũngo, kangĩ mukitualua kuntongela ya atemi niijũmbe kunsooko ya liina liane.

Yohana 15:18

“Kanga uunkũmbigyulu umusuukĩlue inie, mulĩnge kĩna ĩne neene namuandio kwishuukĩlua nduo.

Yohana 15:21

Ĩpa izi tũlũ ĩkakumutendela kunsooko ya liina liane, kuitĩ sika amuĩzĩ naaluntumile.

Yohana 16:2

Ĩkakumukamatula mumasũnagogi; ĩtai ityũngo lijile, wensi kanga wamuulage inie ukishĩĩga ukumutumĩla uNzua.

Utendi 28:22

Ĩpa kusĩĩgile kĩna iiza kũigie kumuako kĩna uoonie; kuitĩ mumpola za wĩkamatuli uu wigyelela kunsĩĩtu kĩna itambulua ibĩĩ tũlũ pensi.”

Utendi 7:59

Naamutũlanga namagũe uSitepano, ninduyo nwilompa, nuĩga, “Shekulu Yesu, aanũnkula ĩnkolo yaane.”

1 Petelo 4:16

Ĩpa malĩĩ kunsooko MuKilisito, walekikolua kansoni; ĩpa wamukũmie uNzua kuliina liasio.

Ukũnukulua 2:10

Ulekioopooka inkaani nazĩkakukuagaana. Laaa ũShetani ukitũla kumugumĩla namuĩngĩ mumiani mukĩtũngo koona mugemue, niniinie mukitũla ninjago intondo kyumi. Wĩĩ musuĩĩli sunga ĩnkia, nineene nĩkakukupeela ĩngala ya upanga.”

Ukũnukulua 2:13

Manile pĩna wikyalile, paasio pityengu lya kĩShetani; nunduue uambile dũũ ĩliina liane, kangĩ sika nukaana uusuĩĩli, waane, sunga muntondo za kĩAntipa, mukuĩli waane namusuĩĩli, naalĩ muulague pakatĩ yaani, paasio pĩna ukikyalaa ũShetani.

Ukũnukulua 7:14

Nanumuĩĩla; “Shekulu waane, umanile uuue.” Numbuĩla, “ĩAasio aao naapũnile muluago nalukulu, ndĩo akanzile ĩmajialo maao naameelia mumugali wa Muana-nkolo.