Matayo 24:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ kuitĩ ĩndugu ikiuuka ĩkue nĩndugu, nuutemi wĩkue nuutemi; ikitũla nzala nĩmĩmanga uko nĩnduuko.

Matayo 24:7 ပူးပေါင်းရင်းမြစ်များ

Luka 21:11

ikitũla mĩmanga mĩkulu nĩnzala, nĩmauluĩle uko nĩnduuko, nimpola za koopokia, niilĩngasĩĩlio ikulu kwipũna kwigyulu.

Utendi 11:28

Nuĩmĩka umuĩ waao ĩliina liakue Agabo, nulagĩĩla kuusũũmi wa kĩMuau kĩna nzala nkulu ikiiiza muna unkũmbigyulu wensi; nigyelela pantondo za kĩKilaudio.

Utendi 2:19

Nikipũnia makula mukiania mwigyulu niilĩngasĩĩlio muna nsĩlĩlĩ ya nsĩĩ, mugali numooto numulũke wa liukĩ.

Aebulania 12:27

uLukaani luasio gua, Nkua kamuĩ kangĩ, lwigyelelia ya kĩna naikishũngũsigua ileegigue zĩ intu naalĩ iumbue, koona iintu nasika ishũũmile kwishũngũsigua yĩĩme iio-iioo.

Ukũnukulua 6:12

Namona pĩna nuuũnanga umuntoozo wa mutandatu, nawĩĩ mumanga mukulu; ĩmpasu nĩtũla nzilu zĩ mbuela ya maũli, umueli nautũla zĩ mĩgali,

Ukũnukulua 6:5

Pĩna nuuũnanga ũmuntoozo wa katatu, nanĩkiigia ĩkĩumbe nakĩpanga kya katatu kiũga, “Nzuu!” Namona laaa, ĩmpalasi nzilu, naalumũdaamĩlĩĩle utĩĩte ngele mumukono waakue.

Ukũnukulua 6:6

Naniigia zĩ luli pakatĩ ya iyumbe naipanga inĩĩ lwiũga, “ĩNngele nya ngano kushilinge, ningele nazitatu zaupemba kushilinge, ĩpa ulekioonoona ĩmakũta numubinio!”

Ukũnukulua 6:8

Namona, laaa, mpalasi ikyelu lya utiukĩkũ, naalumĩdaamĩlĩĩle ĩliina liakue ingĩ Ukiu, nuUlungu naĩtiata nunduyo. Naapeegua usũũmi mwityũmpĩ lya kanĩĩ lya nsĩĩ, aaulage kuyũmba, nukunzala, nukukĩhuumo nukunkialu za nsĩĩ.