Matayo 2:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Ĩo pĩna naalongola kunsiao, laaa, uMalaĩka wa kĩShekulu numũgyeleela uYosepu mundooti, nuũga, “Uuka ukasole ĩkaana nunina waakue, utalamĩle kuMĩsili, wikyale kuko sunga nukuĩĩle; kunsooko uHelode usĩĩgile kukukadũũma Ĩkaana wakaulage.”

Matayo 2:13 ပူးပေါင်းရင်းမြစ်များ

Matayo 1:20

Pĩna nũipindĩkia izi, laaa, Malaĩka wa kĩShekulu numũgyeleela mundooti, nuũga, “Yosepũ muana wa kĩDaudi, ulekioopoka kukumusola uMalia umusungu waako, kunsooko nakĩtũndue mundaa yaakue ingĩ kuusũũmi wa kiMwau Muelu.

Matayo 10:23

Pĩna ĩkakumuĩnga mukaa ĩĩ talamĩlĩ yĩngĩ. Tai namuĩĩla. Sika mukakuzimala ikaa za ĩSilaeli sunga waaze uMuana-muntu.

Matayo 2:12

Pĩna naasugulua mundooti aleke kumushookela uHelode, naenda kunsiao naakĩlĩla nzĩla yĩngĩ.

Matayo 2:14

Nuuuka nukasola Ĩkaana nunina waakue muutiku, nulongola kuMĩsili,

Matayo 2:16

Paapo uHelode, pĩna nuona kĩna wakongaguaa nĩanamĩlimu aasio nutakĩkia, nutuma antu kukuaulaga ĩaana tũlũ naagoosia naaniino sunga naatĩĩte ĩmiaka ĩbĩlĩ, tũlũensi muBetelehemũ numumĩmbĩ zaakue tũlũ, kwipũna intondo pĩna alĩ wikolekeelia kuanamĩlimu aasio.

Matayo 2:22

Pĩna nũigia kĩna uAlikelao watemile mu Uyahũdi palioma Iya kishee uHelode, noopoka kwienda kuasio; nusugulua mundooti, nuenda kũGalilaya.

Utendi 10:22

Naaũga, “uKolinelio, mukulu wa ulugu, munakulukuuluu, mukulia-Nzua, nutĩĩte ulukũmo luuza mundugu yensi nya Uyahũdi, alĩ mulagĩligue numalaĩka namuelu waatume antu kumuako, ue wende kumuakue, waziigie inkaani kwipũna kumuako.”

Utendi 10:7

Pĩna uMalaĩka naalĩ ĩkĩtambuĩla ninduyo nulega, uKolinelio nuĩĩta ĩĩtumi aakue abĩlĩ numwĩlaasi umuĩ, muntu mukulia-Nzua mwiyũmbĩ lya aasio naakumutumĩlaa intondo zensi.

Utendi 12:11

uPetelo pĩna nulĩnga munkolo yaakue, nuũga, “Ĩpaino naonaa tai kĩna ũShekulu azumutumile umalaĩka waakue nukwindeegia mumukono wa kĩHelode numuzensi ĩantu a kĩYahũdi naalĩ azilaaĩlĩĩle.”

Utendi 12:7

Laaa, umalaĩka wa kĩShekulu numũgyeleela, weelu nawelia mukĩtũngo, numukua uPetelo mulualũ, numulaĩlia, nuũga, “Kaawa uuka!” ĩMatendele namalega mumĩkono yaakue.

Utendi 16:36

uMulindĩĩli wa kĩtũngo numuĩĩla uPaulo inkaani izi, nuũga, “ĩAlamuli aatumile ĩantu mutũnguĩlue;” kuluulo gua, pũnĩ kunzi, lendĩ nĩmatiliga.

Utendi 5:19

Ĩpa uMalaĩka wa kĩShekulu nwigyula ĩmĩlango ya kĩtũngo muutiku nuapũnia, nuũga,

Utendi 7:19

nuasio nulũjulĩlia uluuli luĩtu uusoso nukukuaagia ĩatata ĩĩtu, nwilagĩĩlia ipiana pitaague, pilekikula.

Ukũnukulua 12:14

Numusungu nupeegua imbaa zibĩlĩ zandĩĩ nankulu koona wapũpũte, wende kumbuga sunga paluandĩ luakue, paasio ukulĩĩsagiguaa, kwityũngo, nukumatũngo, nukutyumpi lityũngo, kulĩ nĩnzoka niasio.

Ukũnukulua 12:4

Numukĩla waakue naulũta ityũmpĩ lya katatulya nsonda za kwigyulu nukukuziguusia munsĩĩ. Nijoka naliĩmĩka ntongela ya musungu naalĩ wakaa kĩtũnguĩla, itĩ pĩna wĩtunguĩla, lyĩmulĩe umuana waakue;

Ukũnukulua 12:6

umusungu nutalamĩla kumbuga, paasio alutĩĩte luandĩ naalĩ luzĩpĩĩligue nuNzua koona amulĩĩsie paasio ntondo gyana lya nzogũ lĩmuĩ nĩmagana mabĩlĩ nĩmakumi mutandatu.