Matayo 18:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ nuũga, “Tai namuĩĩla, kanga musiitipĩluka mutũle zĩ ang'inia, sika mukiingĩla kainiino muutemi wa kwigyulu.

Matayo 18:3 ပူးပေါင်းရင်းမြစ်များ

Matayo 13:15

Kuitĩ inkolo za antu ĩa zakapũkile Nĩakĩtuĩ aao sika akigyũlagiaa kĩĩsa. nĩmiiso maao amatũtilie dii; Koona alekiona kumiiso maao Aleke kigyũlia kuakĩtuĩ aao, Alekilĩnga kunkolo zaao, Apĩluke, nĩakamie.’

Matayo 18:2

Numuĩta umung'inia numuĩmĩkia pakatĩ yaao,

Matayo 18:4

Iio gua, wensi nukĩniinupagiaa zĩ umung'inia uyu, wayuyu mukulu muutemi wa kwigyulu.”

Matayo 19:14

Ĩpa ũYesu nuũga, “Alekĩ ĩang'inia aze kumuane, muleke kuagilia, kuitĩ naĩkĩna ĩa, uutemi wa kwigyulu ingĩ waao.”

Matayo 19:23

Paapo ũYesu nuaĩĩla ĩamanigua aakue, “Tai namuĩĩla ikitũla ikakũ dũũ kumugolĩ kwiingĩla muutemi wa kwigyulu.

Matayo 5:18

Tai namuĩĩla; ‘Sunga igyulu nĩnsĩĩ pĩna zijililega, koolua kamuĩ katia kalutonua kamuĩ sika kikileegigua muUlagĩĩlio sunga tũlũ zensi zikondeeligue.

Matayo 5:20

Namuĩĩla; Kanga ĩkulukuuluu yaani ĩlekikĩlĩkĩĩla ĩkulukuuluu ya alangi nĩApalisayo, sika mukiingĩla kainiino muutemi wa kwigyulu.’”

Matayo 6:16

“Pĩna mulaalĩĩle gua, mulekishuununala zĩ anamampĩlu, kuitĩ akoonoonaa uusiu waao itĩ igyelele kuantu kĩna alaalĩĩle. Tai namuĩĩla. Aligilie ĩkĩpeegua kiao.

Matayo 6:2

Luulo gua, pĩna wipũnia ĩshongelio, ulekikua idyede ntongela yaako, kĩna ĩanamampĩlu akutenda mumasũnagogi numunzĩla koona akũmuukigue nĩantu. Tai namuĩĩla. aligilie ĩkĩpeegua kiao.

Matayo 6:5

“Pĩna mwilompa, mulekitũla zĩ anamampĩlu; kunsooko aloe kwilompa nukwiĩĩmĩka mumasũnagogi numumĩsambĩ ya nzĩla, koona aonue nĩantu. Tai namuĩĩla. Aligilie ĩkĩpeegua kiao.

Maliko 4:12

‘Koona nailaaa alaae, alekiona; Naiiigia iigie, alekilĩnga; Alekigomoka, aleegeligue ĩmĩlandu.’”

Luka 13:24

“Ĩkamatĩkiĩ kwiingĩla kumulango namupinĩ, Kuitĩ namuĩĩla ya kĩna iingĩ ikishiia kwiingĩla. Alemue.

Luka 22:32

Ĩpa nukulompelĩĩle ue, uusuĩĩli waako ulekiula; ninduue pĩna ukipĩluka, uzikamie inkolo za anũna aako.”

Yohana 1:51

Numuĩĩla, “Tai-taaii namuĩĩla, mukakulĩona igyulu lyakũnukuka nĩamalaĩka a kĩNzua inankĩla nukwiiika muMuana-muntu.”

Yohana 3:3

ũYesu nushookeelia numuĩĩla, “Tai taaii nakuĩĩla, tũlũ wensi kanga wasiitilelua kaubĩlĩ sika wishũũma kukuuona uutemi wa kĩNzua.”

Yohana 3:5

ũYesu nushookeelia, “Tai-taaii nakuĩĩla, muntu kanga wasitilelua kumaazĩ nukwa kĩMuau, sika wishũũma kwiingĩla muutemi wa kĩNzua

Utendi 14:22

naakuzĩkamĩnkĩĩlia inkolo za amanigua nukukuasugula ĩkamatĩkie muusuĩĩli, naiũga ya kĩna yukũjĩpĩĩle kwiingĩla muutemi wa kĩNzua kuwaagi wĩngĩ.

Utendi 28:27

Kuitĩ inkolo za antu ĩa zaalĩĩ nkakũ. Nukuakutuĩ aao sika akũigagiaa kĩĩsa. Nĩmiiso maao amatũtilie; Alekiona kumiiso maao, Alekiiigia kuakutuĩ aao, Alekilĩnga kunkolo zaao, Agomoke, nĩagũne.’

Utendi 3:19

Pelĩ gua, mupĩluke, ĩmĩlandu yaani ĩlimansĩĩligue, koona maaze ĩmatũngo ma usepeeleki namapũnile kwa kĩShekulu;

1 Akolinto 14:20

Anũna aane, mulekitũla ang'inia mumasala maani, ĩpa muubĩĩ muĩ aana atakata; ĩpamumasala maani muĩ antu naakulu.

1 Petelo 2:2

Zĩ aana naatakata naalelue ĩpaino maawĩ ĩmasunsu ma nkolo ĩma, tai, mukulĩle kumaasio mupikĩĩle uugũnua;

2 Petelo 1:11

Kuitĩ yaasio mukipeegua kwiingĩla nangũlũ muutemi wa kalĩ nakalĩ wa kĩShekulu nuMugũni wĩĩtu Yesu Kilisito.