Matayo 13:41 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴¹ uMuana-muntu ukakuatuma ĩamalaĩka aakue, ndĩo ikiilingĩĩla kwipũna muutemi waakue inkũmpa yensi nĩatenda mabĩĩ tũlũ,

Matayo 13:41 ပူးပေါင်းရင်းမြစ်များ

Matayo 13:49

Iio ikitũla pampelo ya unkũmbigyulu. ĩAmalaĩka ikiiza nukukuasolania ĩabĩĩ muanakulukuuluu,

Matayo 18:7

Ukĩa wa unkũmbigyulu kunsooko ya utimulia! Kutilĩ kawĩnegelo, ĩmagemua makuuzaa udũũ. Ĩpa ukĩa kumuakue umuntu nuasio nukuleetaa igyemua!

Matayo 24:31

Ukakuatuma ĩamalaĩka aakue palumuĩ nululi lukulu lwidyede; ndĩo ĩkakualundĩĩla ĩasaagulua aakue kwipũna nandĩ zinĩĩ, kwipũna ĩmpelo igyulu sunga ĩmpelo nzĩa.”

Matayo 3:12

ĩKĩpeetelo kiakue kiĩlĩ mumukono waakue; ukakukĩpiagula sue ĩkĩuga kiakue; ukiĩĩka uupemba waakue mũshagĩ, ĩpa ĩmapuulĩlo ukakumasonsa mumooto nasika ukudibaa.”

Matayo 8:20

ũYesu numuĩĩla, “ĩAmulula atĩĩte ĩmalũlũ, ninoni za mukiania zitĩĩte itiiĩ, ĩpa uMuana-muntu mugila pakugonia ityũe liakue.”

Maliko 13:27

Paapo ukakuatuma ĩamalaĩka nukukuailingĩĩla ĩasaagulua aakue kwipũna kunandĩ zinĩĩ za upũnĩĩlo wa nzega, kwipũna kuluandĩ lwa mpelo ya nsĩĩ sunga kuluandĩ lwa mpelo igyulu.”

Alumĩ 2:16

palutondo luasio uNzua pĩna ukakuulamula uunkũnkũ wa antu kunzĩla ya kĩYesu Kilisito, kwilika lya Mpola na Nziiza nantanantilie.

Aebulania 1:14

ĩAasio tũlũ sika nkolone nazĩkĩtumaa, nantumue kukuatumĩla ĩaasio naikishaala uugũnua?

Ukũnukulua 21:27

Sika ukiingĩla muasio kainiino ubĩĩ wensi; katia naitenda ĩmausuukĩlo nuulongo, ĩpa aao dũũ naandĩkue mukĩtabũ kya upanga, ĩkya Muana-nkolo.