Matayo 10:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ “Laaĩ, ĩne namutuma zĩ nkolo pakatĩ ya iyĩngi; luulo gua, muĩ asugũ zĩ nzoka; muĩ muagila kautiulia zĩ nkunda.

Matayo 10:16 ပူးပေါင်းရင်းမြစ်များ

Matayo 24:25

Laaĩ, nakondagiaa kukumusugula.

Matayo 24:45

“Waani gua umwĩtumi namusuĩĩli namunamasala naalĩ mupeegue umulĩmo nũShekulu waakue, waapeele ĩantu a numba yaakue india zaao pityũngo liao?

Matayo 25:2

Ataano aao alĩ anaulu, nĩnaataano alĩ anamasala.

Matayo 25:4

ĩpa naanamasala naasola ĩmakũta munsupa palumuĩ nintala zaao.

Matayo 25:9

iAnamasala naaashookeelia, naaũga, ‘Sika makuendile muumo ishie nuniinie; taazu gua, longolĩ kuagulia, mwĩgulĩlie.’

Luka 10:3

Longolĩ; laaĩ, namutumaa inie zĩ aana-nkolo pakatĩ ya iyĩngi.

Luka 21:15

Kunsooko ĩne nĩkakumupeela ĩmĩlomo nĩmasala, ĩalugu aani nasika ikishũũma kukumadula nukukumupĩnga-pĩnga.

Utendi 20:29

Ĩne manile kĩna pĩna nikilega, iyĩngi naataki ikiingĩla pakatĩ yaani nasika ĩkakulĩkolelua idyale.

1 Akolinto 14:20

Anũna aane, mulekitũla ang'inia mumasala maani, ĩpa muubĩĩ muĩ aana atakata; ĩpamumasala maani muĩ antu naakulu.

2 Akolinto 1:12

Kuitĩ kukĩkũmazukia kumuĩtu nsuuku, uukuĩli wa mioo yĩĩtu ingĩ kuweelu nuugolokũ naupũnile kwa kĩNzua, sika kumasala ma kĩmuĩlĩ, ĩpa kuukende wa kĩNzua alĩ kwikyalile muna unkũmbigyulu, nangũlũ gua kunsiani inie.

2 Akolinto 11:14

Kangĩ sika ukulĩlua, kuitĩ ũShetani umuene ukĩpĩlula wĩĩ mpiani ya malaĩka wa weelu.

2 Akolinto 11:3

Ĩpa noopokile kĩna ĩnzoka naalĩ yumupembelĩĩlie uHawa kuwĩsukukia waakue, iio-iioo ĩmasĩĩgo maani mikioononeka, nukukuuleka uugolokũ nuweelu kwa kĩKilisito.

2 Akolinto 8:20

iYaasio kwĩgidĩlĩle, wensi waleke kukusokia kunsooko ya nsangĩ ĩĩ naningĩ nakukumĩtumĩla ishie,

Apilipi 2:15

mutũle aana a kĩNzua naagila kishokio sunga utiulia, naagila kakĩlema pakatĩ ya wĩleli uu naukakũ kangĩ nauleki, pakatĩ yaao ĩmwigyelĩĩle zĩ weelu muna unkũmbigyulu,

Akolosai 1:9

Kunsooko ĩĩo nindiishie kwipũna ulutondo pĩna nakuziigia, sika kulekile kukumulompeela inie nikwilompa muligie uulĩngi wa ulooa waakue mumasala tũlũ nuulĩngi wa kĩnkoolo;

Akolosai 4:5

Gendelĩ kumasala ntongela yaao naa kunzi. iNtondo namuapeegue, muzitumĩle iiza.

1 Atesaloniki 2:10

Inie mwĩakuĩli, nuNzua gaa, kĩna kumiani inie namusuĩlĩĩle alĩ kwikyalile kuweelu nukukulukuuluu, nulugendo luĩtu alĩ lugila kishokio.

1 Atesaloniki 5:22

ĩsuga-nsugiĩ nuubĩĩ wa matũmpĩ mensi.