Luka 9:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ uMutemi Helode nũigia impola tũlũ naalĩ zitendekile nukunguala kunsooko naĩngĩ alĩ iũgaa ya kĩna uYohana wiiukile kwipũna muakiu,

Luka 9:7 ပူးပေါင်းရင်းမြစ်များ

Matayo 11:2

uYohana pĩna nũigia mukĩtũngo impola za utendi wa kĩKilisito, nuatuma ĩmanigua aakue kukumukolia,

Maliko 8:28

Naamuĩĩla naaũga, Yohana Mubadĩĩzia; ĩĩĩa Elia; ĩĩĩa akuũgaa umuĩ wa anakĩdagu.

Luka 13:31

iTyũngo lĩĩlo ityũmpĩ lya Apalisayo naamuagaana naamuĩĩla; “Lega kwipũna ĩpa kunsooko uHelode usiiile kukukuulaga.”

Luka 21:25

“Kangĩ ukaa ikoolĩ ilĩngasĩĩlio mumpasu, mumueli, munsonda, numuna nsĩĩ luago lwa ndugu muutunduali kunsooko ya musũngũsĩko wa nanza nĩmaĩngo.

Luka 23:7

Pĩna nuligia impola ya kĩna uyu alĩ wa utemi wa kĩHelode, numutuala kwa kĩHelode, nduyo umuene alĩ wĩĩlĩ mũYelusalemũ intondo zaasio.

Luka 3:1

Pamuaka wikyumi nakataano wa kutema kwa kĩTibelio Kaisali, uPontio Pilatu pĩna alĩ mutemi wa Uyahũdi nuHelode pĩna alĩjũmbe wa Galĩlaya; nuFilipo umunũna waakue pĩna alĩ jũmbe wa Itulea nĩTalakoniti; nuLisania pĩna alĩ jũmbe wa Abilene.

Luka 9:19

Naamushookelia naaũga; “Yohana Mubadĩĩzia, ĩpa ĩĩĩa akuũgaa Elia, nĩĩĩa ya kĩna umuĩ wa anakĩdagu a kalĩ wiiukile.”