Luka 9:39 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁹ Laaa, ĩlĩsĩĩmuĩ lyukumũtyapaa; kumpũpũkĩlĩ ukukuutaa, ndĩlo lyukumugalagalagiaa sunga ukupũũtagia ipyombolũ, kangĩ lyukutinagiaa kukumulegela, nalĩkumutiunulanga.”

Luka 9:39 ပူးပေါင်းရင်းမြစ်များ

Maliko 9:18

Nĩpĩna lyukumũtyapaa lyukumutaagaa pansĩ, nduyo ukupũũtagiaa ipyombolũ nukwikelia nĩmiino, nuumagala buu. Naaĩĩla ĩamanigua aako kukulĩĩnga ĩlĩsĩĩmuĩ, alemua.”

Maliko 9:20

Naamuleeta kumuakue. Pĩna numuona, ĩkamuĩ ĩlĩsĩĩmuĩ nalĩmuzũganga, nugua pansĩ, nũipingilita, nũipũũtia ipyombolũ.

Maliko 9:26

Nalĩkuuta, nalyĩ kumuzũganga, nalyĩmupũna; nuĩ zĩmukiu, sunga iingĩ naaũga, “Wakiaa.”

Luka 4:35

ũYesu nulĩtakĩla nuũga Mũma! Pũna mumuakue! Paapo ĩlĩsĩĩmuĩ nalĩmuguusia pakatĩ yaao, nalĩmupũna, sika nalĩmulemaalia.

Luka 8:29

Kunsooko alĩ walĩlagĩĩlagiaa ĩlĩsĩĩmuĩ lĩmupũne umuntu nuasio. Kuitĩ alukuambaguaa nĩlĩsĩĩmuĩ nkua ningĩ, sunga nulindĩĩlua mukĩtũngo nukwitũngua ĩmatendele nĩmĩkoa; nutianga iitũngo yaasio, numankangigua nĩlĩsĩĩmuĩ kumbuga.

Luka 9:38

Laaa, muntu mwiyũmbĩ nwĩtunta nuũga; “Mumania, nakupeepia umulaae umuana waane kunsooko ingĩ muana waane wing'ene.

Luka 9:40

naapeepia ĩamanigua aako kukulĩĩnga, alemua

Yohana 8:44

Inie mwa kĩtata waani Shetani, ninshula za kĩtata waani mualoe kukuzitenda. uNuasio alĩ muulagani kwipũna iyuukĩ, sunga sika ukuĩmaa mutai, kuitĩ ĩtai yukutilĩ mumuakue. Pĩna witambula ulongo ukutaambulaa ĩzaakue muene, kunsooko ingĩ mulongo, kangĩ tata wa ulongo.

1 Petelo 5:8

Sukukĩ, kyalĩ nuukenge kunsooko ũShetani umulugu waani zĩ nsimba nilũma ipilimĩkĩĩlia, widũũma wensi wamumĩle.

Ukũnukulua 9:11

Zitĩĩte mutemiwaao, nduyo malaĩka wa kuulungu, ĩliina liakue kuKĩebũlania, Abadoni, nukuKĩgiliki ukuĩtagua Apolioni.