Luka 9:26 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁶ Kuitĩ wensi nukinkolelua inshoni ĩne ninkaani zaane, uMuana-muntu ukakumukolelua inshoni unuasio pĩna ukiiza muukulu waakue nuwa kĩTata nuwa amalaĩka naeelu.

Luka 9:26 ပူးပေါင်းရင်းမြစ်များ

Matayo 16:27

Kuitĩ uMuana-muntu wijile muukulu wa kĩTata wakue palumuĩ nĩamalaĩka aakue; paapo ukakumulĩpa wensi mũlika lya utendi waakue.

Matayo 25:31

“Pĩna ukiiiza uMuana-muntu muukulu waakue, nĩamalaĩka tũlũ palumuĩ nduyo, paapo ukakikyalansa mwityengu lya ukulu waakue,

Matayo 26:64

ũYesu numuĩĩla, “Uue uũgile. Kangĩ numuĩĩlĩĩle, kwipũna nantende mukakumuona uMuana-muntu wikyalansile pamukono wa kĩgoosia nwa ngũlũ, upolokile mumalũnde ma kwigyulu.”

Maliko 8:38

Wensi kanga wankolelue inshoni ĩne ninkaani zaane muwĩleli uu wa ugololia nĩmĩlandu, nuMuana-muntu ukakumukolelua inshoni uzo pĩna wijile muukulu wa kĩTata waakue palumuĩ nĩamalaĩka naeelu.

Yohana 12:43

Kuitĩ alĩ aloogue ulukumo lwa antu kwikĩla ulukũmo lwa kĩNzua.

Yohana 5:44

Mwishũũma mbii kwishuĩĩla, inie namukĩkulagiaa niinie kuniinie, nuukulu naupũnile kwa kĩNzua nwing'ene sika mukuudũũmaa?

Utendi 10:22

Naaũga, “uKolinelio, mukulu wa ulugu, munakulukuuluu, mukulia-Nzua, nutĩĩte ulukũmo luuza mundugu yensi nya Uyahũdi, alĩ mulagĩligue numalaĩka namuelu waatume antu kumuako, ue wende kumuakue, waziigie inkaani kwipũna kumuako.”

Alumĩ 1:16

Kuitĩ ĩne numugila kansoni kuMpola na Nziiza, kunsooko ingĩ ngũlũ za kĩNzua nazukuleetaa uugũnua kuwensi nusuĩlĩle, kuMuyahũdi tangua, nukuMugiliki gaa.

2 Akolinto 12:10

Kunsooko ĩĩ numuloeeligue nuuneketũ, nuugaalĩlua, nuwaagigua, nuupaatigua, nuukoigua kunsooko ya kĩKilisito, kuitĩ pĩna numuneketũ, paapo ntĩĩte ingũlũ.

Agalatia 6:14

Ĩne gua, sika numuloe kukĩkũmazukia isiititũla mumusalaba wa kĩShekulu wĩĩtu Yesu Kilisito muumo uunkũmbigyulu wakonontelĩĩlue kumuane, nineene nakonontelĩĩlue kuunkũmbigyulu.

1 Timoteo 5:21

Ntongela ya kĩNzua, nukuntongela ya kĩKilisito Yesu, nukuntongela ya malaĩka naeelu, nukulagĩlĩĩlie ue, uzikendegeele inkaani zaasio, ulekilamula kuukaaũ, ulekitenda kalukaani kuuloeelania.

2 Timoteo 1:12

Kunsooko ĩĩ niligia uwaagigua uu, sunga sika nikolua kansoni, kuitĩ numumanile uyo nanumusuĩlile kangĩ ntite ishanio ya kina uzo usumile kukumĩlindĩĩla ĩmbĩĩka yaane nanĩmĩĩĩkile kumuakue sunga kuLutondo luulo.

2 Timoteo 2:12

Kanga kugigimĩlie, kukitema palumuĩ nduyo gaa; Kanga kumukaane uyo, uyo nduyo ukakukukaana ishie;

Aebulania 11:26

Nusĩĩga kĩna kwitukĩlua kunsooko ya kĩKilisito ingĩ ugolĩ ukulu kwikĩla imbĩĩka za Mĩsili, kuitĩ nalaaĩkia uupeegua wa pembele.

Aebulania 13:13

Iio gua, nakupũne kumuagaane kunzi ya nkambĩ ĩkukenkile umuna waakue.

Yuda 1:14

Nu Enoki naalĩ wĩleli wa mupũngatĩ kwipũna uAdamu, alupũnilie uunakĩdagu mumpola za aasio, nuũga, “Laaa, ũShekulu alupolokile nĩeelu aakue, magana ma nzogũ kiaka,

Ukũnukulua 1:7

Laaa, wijile nĩmalũnde, nĩliiso liensi lĩkakumuona, nĩndĩo naalĩ amusomile; ninduuli tũlũ za muna nsĩĩ zijililĩla ĩkĩlĩlo kunsooko yaakue. Eeze, Amini.

Ukũnukulua 20:11

Namona tyengu lya kĩtemi, kyulu lielu, ninduyo nwikyalansile muliasio, ntongela yaakue ĩnsĩĩ nigyulu nazitalama, paluandĩ luao sika naigyelela kangĩ.

Ukũnukulua 21:8

Ĩpa ĩooa, nĩasiitishuĩĩla nĩasuukĩlia, nĩaulagi, nĩagololia, nĩalaguli, nĩnaakĩtekelaa ĩanzegamĩla, nĩalongo ensi, ityũmpĩ liao liĩlĩ munanza ĩyoo nyukuakĩlaa umooto nĩkĩbiliti-biliti. Ĩĩ yoĩ nkia ya kabĩlĩ.”

Ukũnukulua 3:5

Uyo nudulile ukijialua majialo nameelu, kangĩ sika nikilimansĩĩlia ĩliina liakue mukĩtabũ kya upanga. Nineene nĩkakulĩkũmuula ĩliina liakue ntongela ya kĩTata waane, kangĩ ntongela ya amalaĩka aakue.