Luka 8:29 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁹ Kunsooko alĩ walĩlagĩĩlagiaa ĩlĩsĩĩmuĩ lĩmupũne umuntu nuasio. Kuitĩ alukuambaguaa nĩlĩsĩĩmuĩ nkua ningĩ, sunga nulindĩĩlua mukĩtũngo nukwitũngua ĩmatendele nĩmĩkoa; nutianga iitũngo yaasio, numankangigua nĩlĩsĩĩmuĩ kumbuga.

Luka 8:29 ပူးပေါင်းရင်းမြစ်များ

Maliko 5:8

Kunsooko alĩ walĩĩĩlaa, “Ue lĩsĩĩmuĩ, pũna mumuntu.”)

Luka 8:28

Pĩna numuona ũYesu, nuzogolia nugua ntongela yaakue, nulikitia kululi lukulu, “Kwĩmbii ninduue Yesu, Muana wa kĩNzua nwa kukiania. Nakupeepia ulekinjagia.”

Luka 8:30

ũYesu numukolia “ĩLiina liako uue waani.” Nuũga “ĩLiina liane neene Legioni;” kunsoko masĩĩmuĩ mingĩ mamũingĩlĩĩle.

Luka 9:39

Laaa, ĩlĩsĩĩmuĩ lyukumũtyapaa; kumpũpũkĩlĩ ukukuutaa, ndĩlo lyukumugalagalagiaa sunga ukupũũtagia ipyombolũ, kangĩ lyukutinagiaa kukumulegela, nalĩkumutiunulanga.”

Luka 9:42

Pĩna alulonguĩle, ĩlĩsĩĩmuĩ nalĩmuguusia pansĩ nukukumugalagalia. ũYesu nulĩtakĩla ĩlĩsĩĩmuĩ, numukamia umuana numushookelia ũshee.