Luka 8:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Nĩaasio mwipyampa ingĩ aao naakũigagiaa naaluanũnkula ulukaani kuulumbi; nĩndĩo agila kamĩli, naasuĩĩla kwityũngo niino, numwityũngo lya ugemua naĩkamatula.

Luka 8:13 ပူးပေါင်းရင်းမြစ်များ

Maliko 6:20

kunsooko uHelode alumoopookile uYohana, alumumanile kĩna ingĩ muntu wa kulukuuluu namuelu, numukendegeela. Pĩna numũigia nukunguala dũu nunduyo alukumũigagiaa kuulumbi.

Luka 8:12

ĩAasio a panzĩla ingĩ ao naakũigagiaa, paapo nuuza ũShetani nululeegia ulukaani munkolo zaao, alekiizishũĩĩla nukwigũnika.

Luka 8:14

Nindizo naziguile pakatĩ ya miigia ingĩ aao naakũigagiaa, numulugendo luao naasopua nuukunkunali nuugolĩ, nuwĩloeelia wa uumĩ uu, sika naapĩa kakĩntu.

Yohana 15:2

uLutambĩ luensi munsĩ yaane nasika lukupĩaa inkali ukululeegagiaa; luensi nalukupĩaa ukulusogolelaa koona lupĩĩkie inkali ningĩ.

Yohana 15:6

Wensi kanga wasiite kukikyala munsĩ yaane, ukutaagaguaa kunzi zĩ lutambĩ nukwiuuma; nintambĩ zukuilingĩĩlagua nukwitaagua mumooto, nazishonsua.

Yohana 5:35

uNuasio alĩ ntala nyukuakĩlaa nukwieelia, inie alĩ mualoe kwilumbĩĩlia muweelu waakue kwityũngo.

1 Akolinto 13:2

Kangĩ kanga ntũle nuunakĩdagu nuumane uunkũnkũ wensi nĩmasala mensi, kanga ntũle nuusuĩĩli zigi-zigi, nsũũme kwishamia sunga inkonko, malĩĩ numugila uuloogua, sikanĩkĩntu ĩne.

1 Akolinto 15:2

nĩkangĩ kuzaasio mugũnĩkile, malĩĩ muziambĩkilie naalĩ numutanantĩĩlie; isiititũla alĩ musuĩlĩĩle nakanda.

Agalatia 3:1

Inie adĩinie Agalatia namuagila kamasala! Waani numulogile, inie namualagĩĩlue kualiĩ pamiiso maani ũYesu Kilisito ya kĩna alĩ mukononteelue mumusalaba.

Agalatia 3:4

Alĩ muaagigue kunzĩla ningĩ nakandane? Kanga nakanda, magu.

Aepeso 3:17

uKilisito wikyale munkolo zaani kunzĩla ya usuĩĩli; koona inie musĩmbĩlue ĩmĩlĩ, muzengue mumukũlĩla muuloogua.

Akolosai 1:23

Kanga mwikyale muusuĩlĩ, muzengue mumukũlĩla wa ngũlũ mulekileegeligua paulaaĩĩli wa Mpola na Nziiza naalĩ mũigilie, naalĩ ntanantigue kuiumbe tũlũ nayĩĩlĩ nsĩlĩlĩ igyulu Nineene Paulo nantũla mwĩtumi waakue.

Akolosai 2:7

musimatigue nikwijengua mumuakue, mwĩkamatĩkie muusuĩĩli kĩina alĩ muamanigue mwĩkakie kũshongelia.

1 Atesaloniki 3:5

Kunsooko ĩĩ ĩne nineene pĩna alĩ numulemue kwigigimĩlia kangĩ, nanumutuma umuntu koona mane impola za usuĩĩli waani, kangĩ mane kanga ũShetani alĩ wamugemile magu, numulĩmo wĩĩtu alĩ wijilitũla nakanda.

1 Timoteo 1:19

Uuambe uusuĩĩli numoo namuuza. Naĩngĩ alĩ ausiitilie umoo waao naakapĩla mumpola za uusuĩĩli waao.

Aebulania 10:39

Ĩpa ishie kukutilĩ mumiao naakushookaa kĩnsengeluma nukwilimĩĩla, ĩpa kukoolĩ pakatĩ yaao naatĩĩte uusuĩĩli nukwikendegeela inkolo zaao.

Yakobo 2:26

Kuitĩ kĩna io umuĩlĩ pĩna kutilĩ kamuau ingĩ mukiu; iio-iioo gua, nuusuĩĩli pĩna ugila kautendi ingĩ ukiu.

2 Petelo 2:20

Kuitĩ ĩaasio naalĩ atalamile uudobũ wa unkũmbigyulu kunzĩla ya kumumana ũShekulu nuMugũni wĩĩtu Yesu Kilisito, paapo kanga aguĩligue kangĩ nukwidulua, uwikyaalĩ waao wa mpelo witũla ubĩĩ kwikĩla uwaasio wa muandio.

2 Petelo 2:22

Ĩpa igyelela kumiao kwilika lya ung'enua wa tai, “ĩMbua yĩshookĩĩle ĩmalukiu maakue ĩnene, nĩngũlũma naalĩ nzogigue ĩshookĩĩle kwigala-gala mumalolo.”

1 Yohana 2:19

Alĩ apũnile mumiĩtu, ĩpa sika alĩ a mumuĩtu. Kuitĩ kanga ĩalĩĩ ijilitũla a mumiĩtu, alĩ ijiliĩĩma palumuĩ nindiishie. Ĩpa gua, alĩ apũnile koona igyelele kĩna sika tũlũ a kumiĩtu.

Yuda 1:12

ĩAasio ingĩ mabado pandia zaani za kĩsuakĩĩa, pĩna ilĩa ensi niniinie naĩkĩlĩĩsia kuulakũ agila kaooa, naĩkĩsĩĩgĩla impola zaao udũũ. ĩAasio ingĩ malũnde namagila kamaazĩ namakenkue nĩnzega; ingĩ makota namalagĩĩlie ĩmalũka, namagila kankali, namakiile kabĩlĩ nukwikuulua zigi-zigi.