Luka 7:34 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁴ uMuana-muntu nuuza nwilĩa nukwikopa, niniinie namuũga, Laaĩ, mulakũ uyu, kangĩ mukopekia mubinio, musuamuua wa asangulia-koodi nĩanamĩlandu!

Luka 7:34 ပူးပေါင်းရင်းမြစ်များ

Matayo 11:19

uMuana-muntu alũjile, nwilĩa nukwikopa, naaũga, ‘Laaĩ, mulakũ uyu, kangĩ mukopekia mubinio, musuamuua wa asangulia-koodi nĩanamĩlandu! Nĩmasala migyelĩĩle kĩna makulukuuluu kuutendi waakue.’”

Matayo 5:46

Kanga ĩmualogilue naamuloogilue, mutĩĩte kĩpeegua kĩ? Sunga ĩasangulia-koodi sika iio akutendaane?

Matayo 9:11

ĩApalisayo pĩna naona, naaaĩĩla ĩamanigua aakue. Nĩkĩ umumania wani wilĩa palumuĩ nĩasangulia-koodi nĩanamĩlandu.

Luka 11:37

Pĩna alĩkĩlĩ witambula, Mupalisayo umuĩ numulompa waaze kumuakue walĩe india; nũingĩla nwikyalansa pandia.

Luka 14:1

Palutondo lwa wikyali pĩna nũingĩla munumba ya muntu umuĩ nwa akulu a Apalisayo walĩe india, alĩ amukũsĩĩle.

Luka 15:2

ĩApalisayo nĩalangi naĩĩ kĩulũnga naaũga; “uMuntu uyu ukuasũgamĩĩlagiaa ĩanamĩlandu, kangĩ nulĩaa ensi nĩndĩo.”

Luka 19:7

ĩAntu Pĩna naaona, naĩũlũnga tũlũ, naaũga; “wingĩlaa munumba ya munamĩlandu, wikyale muumo.”

Luka 5:29

NuLawi numulũgĩla ndia ningĩ munumba yaakue. Muasio alĩ lĩkoolĩ yũmbĩ kyulu lya asangulia-koodi nĩnaĩngĩ naalĩ ikyalansile palumuĩ ndĩo pandia.

Luka 7:33

Kuitĩ uYohana Mubadĩĩzia nuuza sika alukulĩaa uugalĩ katia kwikopa umubinio, niniinie namuũga, munalĩsĩĩmuĩ.

Luka 7:35

Nĩmasala migyelĩĩle kĩna ma kulukuuluu kwĩaana aakue tũlũ.

Luka 7:36

Muntu umuĩ wa Apalisayo alumusũgamĩlĩlie walĩe india kumuakue, nũingĩla munumba ya Mupalisayo, nwikyalansa pandia.

Yohana 12:2

Iio naamulũgĩla india za mpĩndĩ kuasio; uMalita nukĩtuma. ULazalo alĩ umuĩ wa aasio naalĩ ĩĩlĩ pandia ensi nduyo.

Yohana 2:2

NũYesu nĩamanigua aakue naanua kuwĩnga.