Luka 7:29 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁹ (Nĩantu tũlũ nĩasangulia-koodi pĩna naigyũlia izi naamĩkuĩla ĩkulukuuluu ya kĩNzua, kuitĩ abadĩzĩgue kuubadiizo wa kĩYohana.

Luka 7:29 ပူးပေါင်းရင်းမြစ်များ

Matayo 5:46

Kanga ĩmualogilue naamuloogilue, mutĩĩte kĩpeegua kĩ? Sunga ĩasangulia-koodi sika iio akutendaane?

Luka 20:6

Kanga kuũge upũnile kuantu, ĩAntu tũlũ ĩkakukukua ĩmagũe kunsooko agombile kĩna uYohana alĩ munakĩdagu.

Luka 3:12

Nĩasangulia-koodi naamuagaana abadĩziigue, naamuĩĩla, “Mumania, aishie kutendeeii.”

Luka 7:28

Nineene namuĩĩla, “Muaasio naalĩ alelue nĩasungu kutilĩ namukulu kwikĩla uYohana; ĩpa namuniino muutemi wa kĩNzua ingĩ mukulu kwikĩla uyo.”

Luka 7:35

Nĩmasala migyelĩĩle kĩna ma kulukuuluu kwĩaana aakue tũlũ.

Utendi 18:25

uNuasio alĩ mumanigue ĩnzĩla ya kĩShekulu, nukunsooko ĩnkolo yaakue alĩ kuuzaa yaakĩĩle nutambula nukukuzimania kĩĩsa-kĩĩsa impola za kĩYesu; ninduyo alĩ wĩĩzĩ uubadĩĩzo wa kĩYohana udũũ.

Utendi 19:3

Nuakolia, “Aĩpa muabadĩĩzigue ubadĩĩzo kĩ.” Naaũga, “Kuubadĩĩzo wa kĩYohana.”

Alumĩ 10:3

Kuitĩ pĩna sika amanile ĩkulukuuluu ya kĩNzua, naasiia kwikamĩnkĩĩlia ĩkulukuuluu yaao ĩeene, sika naĩĩĩka nsĩlĩlĩ ya kulukuuluu ya kĩNzua.

Ukũnukulua 15:3

Ndĩo iĩmba ĩliĩmbo lya kĩMusa, mwĩtumi wa kĩNzua, nĩliĩmbo lya Muana-nkolo naaiũga, “Ukulu, kangĩ wa ukulĩlua uutendi waako, Ee shekulu Nzua, Mukola ngũlũ zensi! Za kulukuuluu kangĩ za tai-taaii injĩla zaako, ee Mutemi wa ndugu!

Ukũnukulua 16:5

Nanumũigia umalaĩka wa maazĩ nuũga, “Ue umukola kulukuuluu, ee Shekulu nukoolĩ, naalukoolĩ, Muelu, kunsooko walamula itĩ.