Luka 7:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Numusese wa mutongeeli wa ĩlasi gyana, umuĩ alĩ mulemeeligue piipĩ kwikia, naalĩ muloogekigue nduyo.

Luka 7:2 ပူးပေါင်းရင်းမြစ်များ

Matayo 27:54

Paapo umukulu wa ulugu palumuĩ nindĩo naalĩ amulindĩlĩĩle ũYesu, pĩna naauona umumanga nimpola naalĩ zigyelĩĩle naoopoka pũũ, naaũga, “Tai-taaii, uyu alĩ Muana wa kĩNzua.”

Luka 23:47

Pĩna nukondia kwitambula izi, nutiĩka ĩnkolo. uMutongeeli wa ĩlaasi gyana pĩna nuona naalĩ matendekile numukulia uNzua, nuũga; Tai umuntu uyu alĩ munakulukuuluu.

Luka 7:1

Pĩna nukondia kukuzitambula inkaani zaakue zensi muakutuĩ a antu, nũingĩla muKapelinaũmũ.

Luka 7:3

Pĩna nũigia impola za kĩYesu, nutuma kumuakue anampala a Ayahũdi kukumulompa waaze wamukamie umusese waakue.

Luka 8:42

kuitĩ alutĩĩte munanso wing'ene, nĩmiaka yaakue alĩ zĩ kyumi nĩbĩlĩ, nduyo alĩ wĩpiipĩ kwikia. Nĩpĩna alulonguĩle, iyũmbĩ nalĩtũla kumuzũga-zũga.

Utendi 10:1

Alukoolĩ muntu wa kuKaisalia, ĩliina liakue Kolinelio, mukulu wiyũmbĩ lya ĩlaasi nalyukuĩtaguaa kiItalia;

Utendi 10:7

Pĩna uMalaĩka naalĩ ĩkĩtambuĩla ninduyo nulega, uKolinelio nuĩĩta ĩĩtumi aakue abĩlĩ numwĩlaasi umuĩ, muntu mukulia-Nzua mwiyũmbĩ lya aasio naakumutumĩlaa intondo zensi.

Utendi 22:26

Pĩna umuntu nuasio nũigia ĩzaasio, nuenda numuĩĩla umukulu wa ulugu, “wakitenda mbii. Kuitĩ umuntu uyu ingĩ Mulumĩ.”

Utendi 23:17

uPaulo numuĩta umuĩ wa akulu a ĩlaasi, nuũga, “Mutuale umusumba uyu kumukulu wa ulugu, kuitĩ utĩĩte mpola za kumuĩĩla:”

Utendi 27:1

Pĩna naagomba kupũũte ĩnanza kuende kuItalia naamuĩĩka uPaulo nĩatũngua naĩngĩ mumĩkono ya mukulu wa ĩĩlaasi, ĩliina liakue Yulio, naalĩ wityũmpĩ lya ĩlaasi ĩlya mutemi namukulu.

Utendi 27:3

Lutondo lwa kabĩlĩ nakupika kuSidoni ũYulio numukendegeela uPaulo kuupolo numulekela wende kuasuaĩĩa aakue wakendegeelue nĩndĩo.

Utendi 27:43

Ĩpa umukulu wa ĩlaasi kunsooko nwishiia kukumuguna uPaulo, nuagilia alekitenda kĩna alĩ asĩĩgile. Nualagĩlia ĩaasio naasũũmile kwikua ĩnsambo ĩgumĩle tangua munanza apike kunsĩĩ nankakũ.

Akolosai 3:22

Inie asese, akuliĩ mumpola tũlũ ĩaasio naĩĩlĩ zĩ ishekulu aani kukĩmuĩlĩ, sika kuusese wa miiso zĩ naakuloeelagiaa paantu, ĩpa kuugolokũ wa nkolo, ĩmumoopokile ũShekulu.