Luka 7:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ ũShekulu pĩna numuona, numukolelua kĩsuusu, numuĩĩla “Lekilĩla.”

Luka 7:13 ပူးပေါင်းရင်းမြစ်များ

Maliko 8:2

Nalĩonela iyũmbĩ kĩsuusu kunsooko yakikyala nineene intondo zitatu, nĩkya kulĩa agila.

Luka 10:1

Pĩna nazikĩla izi, ũShekulu nuaĩĩka nĩĩĩa makumi mupũngatĩ, nuatuma abĩlĩ-abĩlĩ amutongeele kwienda kukaa zensi nuluandĩ luensi kĩna alulomile kwienda umuene.

Luka 11:1

Pĩna alĩ wĩĩlĩĩ kĩluandĩ alĩ wilompa; pĩna nukondia, umuĩ muamanigua aakue numuĩĩla; “Shekulu, kumanie ishie kwilompa kĩna uYohana alĩ waamanilie ĩamanigua aakue.”

Luka 11:39

ũShekulu numuĩĩla; inie Apalisayo mukoogagiaa ĩkĩĩko niyungu kunzi, ĩpa munsĩ yaani mwijuile uuleegelania nuubĩĩ.

Luka 12:42

ũShekulu nuũga, “Waani gua umulindĩĩli namusuĩĩli nĩnamusugũ, ũShekulu waakue ukakumuĩĩka munumba yaakue waapeele ĩantu india zaao pityũngo liao.”

Luka 13:15

Paapo ũShekulu numushookeelia nuũga; “Inie anamampĩlu wensi mumiani sikukumĩtũnguĩlaane ĩng'ombe yaakue katia ndoguĩ yaakue mumpongolo palutondo lwa wikyali, wende kumĩkopia?

Luka 17:5

ĩAtumua naamuĩĩla ũShekulu, “Kongeelie uusuĩĩli!”

Luka 17:6

ũShekulu nuũga; “Kanga ĩazaa mutĩĩte uusuĩĩli kĩna kapeke ka haladali aza mwijile kuuĩĩla umukuu uu, Kuuluka upaandĩlue munanza, nĩnduo aza wijile kumugombia.

Luka 18:6

ũShekulu nuũga; “Tegeelĩ kĩna witambula umulamuli nasika munakulukuuluu;

Luka 19:8

uZakayo nuĩmĩka numuĩĩla ũShekulu; “Shekulu, inshao zaane nukuatiĩla pakatĩ ĩatũka; kanga alĩ numuleegĩĩlie muntu kĩntu kuunele nukumushookelia nkua zinĩĩ.”

Luka 22:61

ũShekulu nupĩluka, numulaaĩkia uPetelo. uPetelo nulũjuka ulukaani lwa kĩShekulu naalumuĩĩlĩĩle; “Nantende yoĩ pĩna umunbĩ ukaa wikĩĩlĩ kalakunkula ukinkaana nkua zitatu.”

Luka 24:3

naingĩla, sika naauona umuĩlĩ wa kĩShekulu Yesu.

Luka 24:34

Naaũga, “ũShekulu wiiukaa tai-taaii, ninduyo wamwigyelelaa uSimioni!”

Luka 7:12

Pĩna nusũgamĩĩla palyumulango lya kaa, paasio alĩ ukoolĩ muimba mukenkue kunzi, muana wing'ene kwa kĩnina naalĩ mukiĩlua, nĩantu iingĩ a kaa alĩ yĩpalumuĩ nduyo.

Luka 7:14

Nusũgamĩĩla nulĩamba ikyenkelo, ĩaasio naalĩ alĩkenkile naĩĩmĩka. Nuũga, “Musumbatĩ nakuĩĩla, Uuka!”

Luka 7:19

Paapo uYohana nuĩĩta abĩlĩ muamanigua aakue, nuatuma kwa kĩYesu nukolia “Ue uuene unuasio nwijile, katia kumulaaĩĩle wĩngĩ?”

Luka 8:52

ĩAntu tũlũ alĩ ilĩla nukukumulĩĩla ĩsuuka, ĩpa nuũga “Lekilĩlĩ, sikukiile uyu, ĩpa ugonile ndoolo.”

Yohana 11:2

Alĩ uMalia uuyo naalumupakile ũShekulu ĩmaakũta nukukumupiagula ĩmĩgulu yaakue kumatũmbĩ maakue; numugũlĩ waakue uLazalo alĩ muluĩle.

Yohana 11:3

Iio gua, ĩagũlĩ naamutualĩla impola, naaũga, “Shekulu laaa, numuloilue waazaa muluĩle.”

Yohana 20:13

ĩAasio naamuĩĩla, “Maau, wilĩĩla yaani?” Nuaĩĩla, “Amuleegagiaa ũShekulu waane, sika manile kĩna amuĩĩkile.”

Yohana 20:15

ũYesu numuĩĩla, “Maau, wilĩĩla yaani? Ukumudũũma waani?” Uzo, nũshĩĩga kĩna uyu mukendegeela kĩtanga, numuĩĩla, “Shekulu, malĩĩ wamusolaa uue, mbuĩla kĩna umuĩĩkile, nineene numusole.”

Yohana 4:1

Iio gua, ũShekulu pĩna numana kĩna ĩApalisayo iigilie kĩna ũYesu waligilie amanigua iingĩ kwikĩla uYohana nukukuabadĩĩzia. (

Yohana 6:23

Ĩpa ĩmapango mĩĩa kwipũna kuTibelia namapika piipĩ nĩpaasio pĩna alĩ alĩĩlĩĩle ĩmapũli pĩna ũShekulu alumasongĩĩlie.

1 Akolinto 7:30

nĩaasio nailĩla ĩĩ zĩ sika ilĩla; nĩnailumba zĩ sika ilumba; nĩnaigula zĩ agila kakĩntu.

1 Atesaloniki 4:13

Ĩpa gua anũna ĩĩtu, sika kualoe mulekimana impola zaao naagonile muleekitũla nuusungu kĩna iio naĩngĩ naagila kaulaaĩĩli.

Aebulania 2:17

Luulo gua, alĩ yumũjĩpĩĩle kukĩpianĩkĩĩligua nĩanũna aakue mumpola tũlũ, watũle mupolia namukulu, mukola kĩnishungu kangĩ musuĩĩli muwĩtumi tũlũ pa kĩNzua, koona waĩpolelie ĩmĩlandu ya antu.

Aebulania 4:15

Kuitĩ kuagila kamupolia namukulu nasikusũũmile kukukukolelua ishie ĩkĩsuusu muuneketũ wĩĩtu, ĩpa umuene alĩ mugemue zĩ undiishie mumpola tũlũ, ĩpa sikaka nutimula.