Luka 4:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ Iio gua, ue kanga wĩntekele, tũlũ mikitũla maako.”

Luka 4:7 ပူးပေါင်းရင်းမြစ်များ

Matayo 2:11

naingĩla munumba, naakaona ĩkaana palumuĩ nuMalia unina waakue, naatũngama naakatekela; naatũngula iinaugenda yaao, naakapũnĩlia ipeelo, zahabũ, ulũmba niilago.

Luka 17:16

nugua uũndaala pamĩgulu yaakue numusongelia, ninduyo alĩ Musamalia.

Luka 4:6

ũShetani numuĩĩla, “Nĩkakukupeela uusũũmi uu tũlũ nuukulu waakue, kunsooko uwaasio ĩne numupeeegue, nineene nukumupeela tũlũ wensi muna numuloelue.

Luka 4:8

ũYesu nushookeelia numuĩĩla, “Yandĩkue, Umutekele ũShekulu Nzua waako, ninduyo wing'ene dũũ umutumĩle.

Luka 8:28

Pĩna numuona ũYesu, nuzogolia nugua ntongela yaakue, nulikitia kululi lukulu, “Kwĩmbii ninduue Yesu, Muana wa kĩNzua nwa kukiania. Nakupeepia ulekinjagia.”

Ukũnukulua 22:8

Ĩne nanĩYohana, neene alĩ nizigyũũlie nukukuziona impola izi. Pĩna nanizigyũlia nukukuziona, nangua kukĩtekela pamigulu ya kĩMalaĩka naalundagĩlĩĩle ĩzaasio,

Ukũnukulua 4:10

Paapo ĩanampala makumimabĩlĩ naanĩĩ akutũngamaa ntongela yaakue nwikyalansile mwityengu lya kĩtemi, akumutekelaa namupanga sunga ĩkalĩ nakalĩ, akuzigumaa ingala zaao ntongela ityengu lya kĩtemi naiiuga,

Ukũnukulua 5:8

Pĩna numĩsola ĩmbũgũlũ, iiumbe naipanga inĩĩ nĩanampala namakumi mabĩlĩ naanĩĩ naagua ntongela ya Muana nkolo, wensi waao utĩĩte lusumbĩ, niisheme ya zahabũ naalĩ ijuile ulũmba, nduo ingĩ ulompi wa eelu.