Luka 4:34 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁴ nuũga “Hai! Kwĩmbii nĩnduue, Yesu Munazaleti. Wijile kukukumalane, Nukuĩzĩ kĩnaue wĩwaani, wĩMuelu wa kĩNzua.”

Luka 4:34 ပူးပေါင်းရင်းမြစ်များ

Matayo 8:29

Laaa, naakuuta naaũga, “Kwĩmbii ninduue, Muana wa kĩNzua.” Wapikaa kukukuagiane pĩna ityũngo sika lyalaaza?

Maliko 1:24

nalĩkuuta, nalĩũga, “Kwĩmbii ninduue, Yesu Munazaleti? Wijile kukukumalane? Nukuĩzĩ wĩwaani; uue Muelu wa kĩNzua.”

Maliko 1:34

Nuakamia iingĩ naalĩ alemue uluĩle nauluĩle, numaĩnga ĩmasĩĩmuĩ mingĩ, sunga sika numagombia kwitambula, kunsooko alĩ mamuĩzĩ.

Maliko 5:7

nukuuta kululi lukulu, nuũga, “Kwĩmbii nunduue, Yesu, Muana wa kĩNzua nuĩlĩ kukiania? Nakulapia kwa kĩNzua ulekinjagia.” (

Luka 1:35

uMalaĩka numushookeelia, nuũga “uMuau Muelu ukiiiza mumuako, ningũlũ za Nwa kukiania zĩkakukukũnĩkĩla umulũle; luulo gua umuana nukilelua ukiĩĩtua muelu, Muana wa kĩNzua.

Luka 4:33

Mũshũnagogi alukoolĩ muntu munalĩsĩĩmuĩ, nukuuta kululi lukulu,

Luka 4:41

Nĩmasĩĩmuĩ namaapũna iingĩ, namikuuta namiũga, “Uwe wĩmuana wa kĩNzua.” Numatakĩlĩkia, sika numagombia kwitambula, kunsooko alĩ mamanile kĩna uzo ingĩ Kilisito.

Luka 8:28

Pĩna numuona ũYesu, nuzogolia nugua ntongela yaakue, nulikitia kululi lukulu, “Kwĩmbii ninduue Yesu, Muana wa kĩNzua nwa kukiania. Nakupeepia ulekinjagia.”

Luka 8:37

Nĩantu ensi a nsĩĩ nĩpilimĩkĩlĩĩlie ĩAgelasi naamulompa walege kunsiao kuitĩ alĩ ingĩĩlagua nuooa wingĩ; nunankĩla mwipyango, nushooka.

Utendi 16:39

naaaza naapeepia; pĩna naapunia, naaaĩĩla alege mukaa niasio.

Utendi 2:27

Kunsooko sikukindekelia ĩnkolo yaane kuulungu; Sunga sikukakumuleka uMuelu waako wauone uoononeki.

Utendi 3:14

Inie gua namumukaana uyo naMuelu na Munakulukuuluu, namulooa mupeegue umuulagi,

Utendi 4:27

Kuitĩ tai, uHelode nuPontia Pilatu palumuĩ nindugu nazĩngĩ nĩaantu a Ĩsilaeli naakĩkomia ĩkialo mukaa ĩĩ mumpola za Mwĩtumi waako naMuelu Yesu naalumupakile ĩmakũta,

Aebulania 2:14

Iio gua, kunsooko ĩaana akamantĩĩne nĩmiĩlĩ nĩtĩĩte umugali nĩnama, uyo nduyo iio-iioo alukamantanile iio-iioo, koona kunzĩla ya nkia wamoonoone uyo nutĩĩte usũũmi wa ukiu, ingĩ ũShetani,

Yakobo 2:19

Ue usuĩlĩĩle kĩna uNzua ingĩ umuĩ, utendile iiza; sunga ĩmasĩĩmuĩ ndayo masuĩlĩĩle nukũkĩkĩma.

1 Yohana 3:8

Nukutendaa ĩmĩlandu ingĩ wa kĩShetani, kunsooko ũShetani ukutendaa ĩmĩlanadu kwipũna umuandio. Kunsooko ĩĩ uMuana wa kĩNzua nwigyeleligua, koona waĩonoone ĩmĩlĩmo ya kĩShetani.

Ukũnukulua 20:2

Nulĩguĩla ijoka, nzoka ya kalĩ uuyo Mupeembeelia kangĩ Shetani, numutũnga miaka gyana lya nzogũ,

Ukũnukulua 3:7

“Nukwa kĩmalaĩka nwikyanisa naliĩlĩ muPiladelipia andĩka, ‘Izi zozi uũgile uyo namuelu, nwa tai, nutĩĩte ũlugyũilo lwa kĩDaudi; nduyo mukola kigyula sunga kutilĩ nwakigyalila; nduyo ukigyalĩlaa sunga kutilĩ nwakigyula.’