Luka 4:22 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²² Tũlũ naamukuĩla iiza, naakulĩlua kunsooko ya nkaani za ukende naalĩ zipũnile mumulomo waakue, naaũga “Uyu sika wayu muana wa kĩYosepũne?”

Luka 4:22 ပူးပေါင်းရင်းမြစ်များ

Luka 2:47

Tũlũ naalĩ amutegelĩĩle naakulĩlua kuulĩngi nuushookeelia waakue.

Luka 2:48

Pĩna namuona naakũmia; nunina numuĩĩla, “Muana waane, nĩkĩ wakutendela itĩ. Laaa, ũshoo nineene aza kukukudũũmaa kuusungu.”

Luka 21:15

Kunsooko ĩne nĩkakumupeela ĩmĩlomo nĩmasala, ĩalugu aani nasika ikishũũma kukumadula nukukumupĩnga-pĩnga.

Luka 4:21

Nuandia kukuaĩĩla, “Nantende uandĩkua uu watimĩĩlagiguaa muakutuĩ aani.”

Yohana 1:45

uPilipo numuona uNatanaeli, numuĩĩla, “Aza kwamuonaa uzo naalĩ muandĩkĩlue nuMusa muUlagĩĩlio numuAnakĩdagu, ũYesu wa kuNazaleti, muana wa kĩYosepũ.”

Yohana 6:42

Naaũga, “Sika wayune Yesu muana wa kĩYosepũ? Sika kuĩĩzĩne ũshee nunina? Ĩpaino wiũgaaii, Ntimile kwipũna kwigyulu?”

Yohana 7:46

ĩĨtumi naashookeelia, “Kutilĩ kamuntu nukutambulaa kĩna umuntu nuasio nwitambula!”

Utendi 6:10

Ĩpa sika naasũũma kukĩkunguma nĩmasala muna uMuau alukumupambĩla.

Tito 2:8

nuutambuli wa kapanga nasika wishũũmĩka kwishokigua, koona umukola kukungumia wakolue inshoni, waulie kalukani nalubĩĩ lwa kutambula mumpola tũlũ.