Luka 24:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Ukutilĩ ĩpa. Wiiukaa. Jukĩ kĩna alumuĩĩlĩĩle inie pĩna alĩ kĩlĩ wĩĩlĩ kũGalilaya,

Luka 24:6 ပူးပေါင်းရင်းမြစ်များ

Matayo 12:40

Kuitĩ kĩna ũYona alĩ wĩĩmile mundaa ya nguĩna intondo zitatu munsĩ nuutiku, iio-iioo nuMuana-muntu ukakikyala pansĩ itondo zitatu munsĩ nuutiku.

Matayo 16:21

Kwipũna paapo ũYesu nuandia kukualĩngia ĩamanigua aakue kĩna yumũjĩpĩĩle kwienda kũYelusalemũ, kũligia waagi wingĩ kuanampala nĩapolia naakulu nĩalangi, nukwiulagua, nulutondo lwa katatu kwiiiuka.

Matayo 27:63

naaũga, “Shekulu, kwijukaa kĩna unuasio umupembeelia aluũgile pĩna alĩ kĩlĩ muumĩ.” Pĩna zakĩla ntondo zitatu nikiiiuka.

Matayo 28:6

Ukutilĩ munu, kuitĩ wiiukaa kĩna aluũgile. Nzuĩ muone pĩna azugonile ũShekulu.

Maliko 16:6

Ninduyo nuaĩĩla; “Lekitundualĩ, mukumudũũma ũYesu Munazaleti naalĩ mukononteelue mumusalaba. Wiiukaa, ukutilĩ munu; laaĩ pĩna alĩ amuĩĩkile.

Maliko 8:31

Nuandia kukuamania kĩna yumũjĩĩpĩle uMuana-muntu kwiaagigua mumpola ningĩ nukwishiitua nĩanampala nĩapolia naakulu nĩalangi, nukwiulagua; nĩpĩna zakĩla ntondo zitatu ukiiiuka.

Luka 24:34

Naaũga, “ũShekulu wiiukaa tai-taaii, ninduyo wamwigyelelaa uSimioni!”

Luka 24:5

nĩndĩo pĩna naingĩĩlua nuooa nukwitũna kĩtete-kĩtete pansĩ, ĩaasio naaaĩĩla; “Nĩkĩ mukumudũũmaa namupanga muakiu?

Luka 9:22

nuũga; “Yumũjĩpĩĩle uMuana-muntu kwiaagigua mumpola ningĩ nukwishiitua nĩanampala nĩapolia naakulu nĩalangi, nukwiulagua; nulutondo lwa katatu kwiiukigua.”

Luka 9:44

“Inkaani izi naziingĩle muakutuĩ aani, kuitĩ uMuana-muntu ukiĩĩkĩlua mumĩkono ya antu.”

Utendi 2:24

Ĩpa uNzua numũiukia, numutũnguĩla muuwai wa nkia, kunsooko sika alĩ ishũũmĩkile waguĩlue nduo.

2 Atesaloniki 2:5

Sika mwijukilene ya kĩna ĩmatũngo naalĩ nĩpalumuĩ niniinie alĩ numuĩĩlĩĩle ĩzaasio?