Luka 24:47 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴⁷ Kangĩ ya kĩna indugu tũlũ zensi zikitanantĩligua kuliina liakue impola za upelli nuuleegeligua wa mĩlandu, kwiandĩĩlia kũYelusalemũ.

Luka 24:47 ပူးပေါင်းရင်းမြစ်များ

Matayo 28:19

Luulo gua, lendĩ muzitende indugu tũlũ zensi zitũle amanigua, ĩmukuabadĩĩzia muliina lya kĩTata, nĩlya Muana, nĩlya Muau Muelu;

Matayo 3:2

“Pelĩ, kunsooko uutemi wa kwigyulu wasũgamĩlaa.”

Matayo 9:13

Longolĩ mwĩmanie ĩndogolelio ya nkaani izi, ‘Nsiilie kĩnishungu, sika mapolia.’ Kuitĩ sika nijile kukuĩĩta ĩakola kulukuuluu, ĩpa ĩanamĩlandu.”

Luka 13:34

“Ee Yelusalemũ Yelusalemũ, nukuaulagaa ĩanakĩdagu nukukuatũla ĩmagũe naatumue kumuako; nkua zinga kuuza nsiile kukuailingĩĩla ĩaana aako kĩna yoi ĩnkuku nyukupiiligĩĩlaa ipiana piakue mumbaa zaakue, ĩpa sika namugomba.

Utendi 10:43

uUyo ĩanakĩdagu tũlũ ensi akumukuĩlaa kĩna kuliina liakue wensi nusuĩlĩĩle mumuakue wiligia uleegeligia wa mĩlandu.”

Utendi 11:18

Pĩna naigyũlia zaasio naatuulia, naamukulia, “uNzua naaũga, sunga kundugu nazĩngĩ uNzua waapĩĩle upeli aligie upanga.”

Utendi 13:46

uPaulo nuBalinaba naatambula kunkolo ya kĩgoosia, naaũga, “Alĩ yumũjĩpĩĩle inie mutambuĩlue tangua ulukaani lwa kĩNzua, ĩpa kunsooko mukuluguma kulĩ nukukukĩona kĩna uupanga wakalĩ nakalĩ sika umũjĩpĩĩle inie, laaĩ, kwauuka kundugu nazĩngĩ.

Utendi 2:38

uPetelo nuashookeelia, “Pelĩ, mubadĩĩzigue wensi mumiani muliina lya kĩYesu Kilisito, muleegeligue ĩmĩlandu yaani, niniinie mukiligia ĩkĩpeegua kya Muau Muelu.

Utendi 20:21

Nanĩakuĩlĩkia ĩAyahũdi nĩAgiliki apele ntongela ya kĩNzua, nukwishuĩĩla mwa kĩShekulu wĩĩtu Yesu Kilisito.

Utendi 26:18

ualaĩlie ĩmiiso maao, agomolue kwipũna mukiiti, ingĩle muweelu; agomolue kwipũna muusũũmi wa kĩShetani, ingĩle kwa kĩNzua; aleegeligue ĩmĩlandu yaao, asaale palumuĩ nĩnaeeligue kuusuĩĩli nawĩĩlĩ mumuane.

Utendi 26:20

ĩpa kumuandio nanĩatanantĩlia ĩaasio a kuDamesiko niYelusalemũ numunsĩĩ yensi nya Uyahũdi sunga kundugu nazĩngĩ, koona apele agomokele kwa kĩNzua, ĩĩtenda utendi nawijĩpĩĩle uupeli.

Utendi 28:28

Luulo gua imanĩke kumiani kĩna uugũnua uu wa kĩNzua watualaguaa kundugu nazĩngĩ, nĩndĩo ikitegeela.”

Utendi 3:19

Pelĩ gua, mupĩluke, ĩmĩlandu yaani ĩlimansĩĩligue, koona maaze ĩmatũngo ma usepeeleki namapũnile kwa kĩShekulu;

Utendi 4:12

Kangĩ kutilĩ kaugũnua kunuĩngĩ kaumuĩ, kuitĩ kutilĩ kaliina naliĩngĩ nsĩlĩlĩ igyulu naalĩ apeegue ĩantu nalyukũjipĩĩle ishie kwigũnua nĩndĩlo.”

Utendi 5:31

uNzua wamukulilie kumukono waakue wa kĩgoosia, wĩĩ Mutongeeli nuMugũni, wamĩpeele ĩĨsilaeli uupeli nuuleegeligua wa mĩlandu.

Alumĩ 5:20

uUlagĩĩlio alĩ wingĩĩle koona uutimu wĩĩ ukulu nangũlũ; numulandu pĩna naukula, uukende naukula kwikĩlĩkĩĩla.

Aepeso 1:6

Ukũmigue uukulu wa ukende waakue naalukukembetile mumuloogua waakue.

Aepeso 3:8

Ĩne nanumuniino kwikĩla unuasio naalĩ muniino wa eelu tũlũ, alĩ numupeegue uukende uu, kukuatanantĩlia ĩa ndugu nazĩngĩ iMpola na Nziiza za ugolĩ wa kĩKilisito nasika usũũmile kwilĩngĩka;

Akolosai 1:27

uWaasio uNzua naalusiile kukuũgyelelia kĩna wĩĩlĩ ugolĩ wa ukulu wa unkũnkũ uu pakatĩ ya ndugu nazĩngĩ; nduyo ingĩ uKilisito munsĩ yaani, ulaaĩĩli wa ukulu.

1 Yohana 2:12

Nukumuandĩkĩla inie, ana namwanino, kunsooko mwaleegelagiguaa ĩmĩlandu yaani kunsooko ya liina liakue.