Luka 24:44 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴⁴ Paapo nuaĩĩla, “Izi zozi nkaani zaane naalĩ numuĩĩlĩĩle pĩna alĩ kĩlĩ nkoolĩ palumuĩ niniinie, ya kĩna ijĩpĩĩle zitimĩĩligue tũlũ naalĩ nandĩkue mumpola zaane muUlagĩĩlio wa kĩMusa numuAnakĩdagu numuMalumbĩĩlio.”

Luka 24:44 ပူးပေါင်းရင်းမြစ်များ

Matayo 1:22

Izi tũlũ zitũlile koona lutimĩĩligue ulukaani naalĩ lutambulue nũShekulu kumunakĩdagu, nuũga,

Matayo 16:21

Kwipũna paapo ũYesu nuandia kukualĩngia ĩamanigua aakue kĩna yumũjĩpĩĩle kwienda kũYelusalemũ, kũligia waagi wingĩ kuanampala nĩapolia naakulu nĩalangi, nukwiulagua, nulutondo lwa katatu kwiiiuka.

Matayo 26:54

Ukitimĩĩligua mbii uwandĩkua, kĩna itĩ yoi alĩ ijĩpĩĩle kwitũla?

Matayo 26:56

Ĩpa izi zensi zitũlile itĩ koona uwandĩkua wa anakĩdagu utimĩĩligue.” Paapo ĩamanigua naamuleka, naamanka tũlũ ensi.

Maliko 9:31

Kunsooko alukuamania ĩamanigua aakue, nukukuaĩĩla itĩ, uMuana-muntu walongolaa kwiĩĩkĩlua mumĩkono ya antu, ndĩo ĩkakumuulaga; nĩpĩna waulagua zikikĩla ntondo zitatu ukiiiuka.

Luka 21:22

Kuitĩ intondo zaasio ingĩ za ukaasĩki, koona matimĩĩligue tũlũ naalĩ mandĩkue.

Luka 22:37

Kuitĩ namuĩĩla, ‘Ulo naalĩ luandĩkue ijĩpĩĩle lutimĩĩligue mumuane kutilĩ kawĩnegelo,’ ya kĩna, alĩ mualĩĩligue palumuĩ nĩatimuli. Kuitĩ naluandĩkue mumpola zaane lwatimĩĩlagiguaa.”

Luka 24:46

Nuaĩĩla, “Iio yandĩkue ya kĩna uKilisito ukiaagigua nukwiiuka palutondo lwa katatu,

Luka 9:22

nuũga; “Yumũjĩpĩĩle uMuana-muntu kwiaagigua mumpola ningĩ nukwishiitua nĩanampala nĩapolia naakulu nĩalangi, nukwiulagua; nulutondo lwa katatu kwiiukigua.”

Luka 9:44

“Inkaani izi naziingĩle muakutuĩ aani, kuitĩ uMuana-muntu ukiĩĩkĩlua mumĩkono ya antu.”

Yohana 3:14

Kĩna uMusa naalumĩnansuĩle ĩnzoka mumbugi-melemele, iio iioo yumũjĩpĩĩle uMuana-muntu wanansulue.

Yohana 5:39

Mukuukeesekagiaa uwandĩkua, kuitĩ inie mukusĩĩgaa kĩna muumo mutĩĩte uupanga wa kalĩ nakalĩ; uwaasio uuo unkuĩlĩĩle ĩne.

Yohana 5:46

Kuitĩ kanga ĩmumusuĩlĩĩle uMusa, aza mujilinshuĩĩla nineeni; kunsooko uzo alĩ wandĩkile impola zaane.

Utendi 13:33

ya kĩna uNzua watimĩlĩĩlie ilyago liasio kuaana ĩĩtu kukumũiukia ũYesu; kĩna yandĩkue muMalumbĩĩlio, mulango wa kabĩlĩ, ‘Ue uue wĩMuana waane ĩne nantende nakulelaa.’

Utendi 13:40

Luulo gua laaĩ, mulekiaagaanua nimpola izo naalĩ ntambulue nĩanakĩdagu.

Utendi 2:27

Kunsooko sikukindekelia ĩnkolo yaane kuulungu; Sunga sikukakumuleka uMuelu waako wauone uoononeki.

Utendi 3:18

Ĩpa impola izo naalutanantilie uNzua kwipũna ĩkalĩ kumĩlomo ya anakĩdagu tũlũ, ya kĩna uKilisito waakue ukiaagigua; ziizo watimĩlĩĩlie itĩ.

Utendi 7:37

Uuyo Musa naalĩ waaĩĩlĩĩle ĩaana a Ĩsilaeli, uNzua ukakumunansulĩlia munakĩdagu muanũna aani, kĩna alunansuĩle ĩne.

Aebulania 10:1

Kuitĩ uUlagĩĩlio utĩĩte mulũle udũũ wa uuza nawijile, sika kikyelu liene lya uuza waasio, iio gua, sika usũũmile kumapolia ayo naakumapũnagiaa intondo tũlũ muaka kumuaka, kukuakamĩnkĩĩlia ĩaasio naakusũgamĩĩlaa.

Aebulania 3:5

NuMusa, tai alĩ musuĩĩli munumba tũlũ nya kĩNzua kĩna mwĩtumi, watũle ukuĩli wa mpola nazijilitambulua.

Aebulania 7:1

Kuitĩ uMelikizedeki, nuasio umutemi wa Salemũ, mupolia wa kĩNzua nwa kukiania, naalĩ itaaganile nuIbũlahimu pĩna alushookile kwipũna kuulugu wa kĩkua nĩatemi; numukembeta.

Aebulania 9:8

Itĩ yoi uMuau Muelu nwilagĩĩla ya kĩna ĩnzĩla ya kũingĩlĩla yeelu pa Pana yeelu alĩ ikĩĩlĩ kalakigyeleligua pĩna ikoolĩ mwiHyeema pamulango.

1 Petelo 1:11

naakeesekia kĩna muntu kĩ nityũngo kĩ naalĩ lyagĩĩligue nuMuau wa kĩKilisito naalĩ wĩĩlĩ munsĩ yaao, pĩna alukuatongeela kwikuĩla impola za waagigua wa kĩKilisito nuukulu naukitiata.

Ukũnukulua 19:10

Nineene nangua ntongela ya mĩgulu yaakue koona numutekele; numbuĩla, ‘Lekitenda yaasio; Ĩne nĩnwĩtumi mĩaako, kangĩ wa anũna aako naatĩĩte uukuĩli wa kĩYesu. Mutekele uNzua.’ Kuitĩ uukuĩli wa kĩYesu ingĩ nkolo ya unakĩdagu.”