Luka 23:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ uPilatu nuaĩĩla ĩapolia naakulu nĩmaũmbĩ, “Nasiitiiona kautimu kumuntu uyu.”

Luka 23:4 ပူးပေါင်းရင်းမြစ်များ

Matayo 27:19

Pĩna alĩ wikyalansile mwityengu lya ulamuli, umusungu waakue nutuma impola kumuakue, nuũga, “Ulekitũla nulukaani numuntu nuasio nwa kulukuuluu, kuitĩ aza naagĩkilie mundooti utiku uu kunsooko yaakue.”

Maliko 15:14

uPilatu nuaĩĩla, ubĩĩ kĩ naalutendile? Naĩkakia dũũ kwikulia ĩkĩlanga, “Mukononteele!”

Luka 23:22

Nuaĩĩla nkua ya katatu, “Kunsooko kĩ. Uyu utendile ubĩkĩ. Sika moonie kumuakue sunga kalukaani nalũjĩpĩĩle kukumuulaga, Luulo gua, nĩkakumukua, paapo nĩkakumutũnguĩla.”

Yohana 18:38

uPilatu numuĩĩla, “ĩTai kuuza yaani?” Pĩna nutambula izi nupũna kangĩ kuAyahũdi, nuaĩĩla, “Ĩne sika naona kalukaani kumuakue.

Utendi 25:25

Ĩpa ĩne namona kĩna sikutendile kalukaani nalũjĩpĩĩle waulague; ninduyo umuene pĩna nusiia kwitelia kumutemi namukulu, nanamula numutuale kumuakue.

Utendi 3:13

uNzua wa kĩĨbũlahimu nuĨsakĩ nuYakobo, uNzua wa atata ĩĩtu wamukulagiaa uMwĩtumi waakue ũYesu, uuyo inie naalĩ mumusakilie nukukumukaana ntongela ya kĩPilatu pĩna alupũnilie ulamuli umuasio watũnguĩlue.

Aebulania 7:26

Kuitĩ alĩ ijĩpĩĩle ishie kutũle numupolia namukulu kĩna uyu, namuelu namugila kaubĩĩ, namugila kibyado, naalĩ mukamatulue nĩanamĩlandu, nunansulua kukiania igyulu.

1 Petelo 1:19

ĩpa alĩ muakomolue kumugali wa kĩKilisito nwa ngele nkakũ, zĩ wa muana-nkolo namugila kakĩlema, namugila kibyado.

1 Petelo 2:22

Uzo sika alutendile kamulandu, sunga uupembeelia sika alĩ wigyelĩĩle mumulomo waakue.

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.