Luka 22:30 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁰ koona mulĩe nukwikopa pameeza yaane muutemi waane nukukikyalansa mumatengu ma kĩtemi paasio pĩna mukakuzilamula induuli kyumi nazibĩlĩ za Ĩsilaeli.”

Luka 22:30 ပူးပေါင်းရင်းမြစ်များ

Matayo 19:28

ũYesu nuaĩĩla, “Tai namuĩĩla, pĩna uMuana-muntu ukakikyalansa mũtyengu lya kĩtemi lya ukulu waakue muunkũmbigyulu naupia, inie naalĩ muntiatile, niniinie mukakikyalansa mumatengu makitemi na mikyumi namabĩlĩ, ĩmukuzilamula induuli kyumi nazibĩlĩ za ĩSilaeli.

Matayo 5:3

“akembetue ĩatũka a nkolo; kuitĩ uutemi wa kwigyulu ingĩ waao.

Matayo 8:11

Namuĩĩla kĩna iingĩ ikiiiza kwipũna kukĩĩlĩma nukumueli, ndĩo ĩkakikyalansa palumuĩ nuIbũlahimu nuIsaki nu Yakobo muutemi wa kwigyulu.

Luka 12:37

Aliukũ ĩĩtumi aasio, pĩna ũShekulu waao ukiiza waagaane alaĩĩle. Tai namuĩĩla, ukakĩtũnga nukukuasũgamĩĩlia pandia, ukiiiza nukukuatumĩla.

Luka 14:15

Pĩna nũgyũlia ĩzaasio, umuĩ wa aasio naalĩ ikyalansile pandia palumuĩ nduyo numuĩĩla, “Muliukũ unuasio nũjililĩa uugalĩ muutemi wa kĩNzua.”

2 Timoteo 2:12

Kanga kugigimĩlie, kukitema palumuĩ nduyo gaa; Kanga kumukaane uyo, uyo nduyo ukakukukaana ishie;

Yakobo 1:1

Yakobo mwĩtumi wa kĩNzua, kangĩ wa kĩShekulu Yesu Kilisito, namulamukia inie namwĩnduuli kyumi nazibĩlĩ nazishapatĩĩle.

Ukũnukulua 19:9

Numalaĩka numbuĩla, “Andĩka, ‘Alĩuku naaanue kundia za wĩnga wa Muana-nkolo.’ Numbuĩla, ‘Izi ingĩ nkaani za tai za kĩNzua.’

Ukũnukulua 3:21

Uyo nudulile, nĩkakumupeela kukikyalansa palumuĩ nineene mwityengu liane lya kĩtemi, zĩ uneene naalĩ ndulĩle nanikyalansa palumuĩ nuTata waane mwityengu liakue lya kĩtemi.

Ukũnukulua 4:4

Nĩmatengu makumi mabĩlĩ namanĩĩ mapilimĩlĩĩlie ityengu lya kĩtemi, numumatengu namona anampala makumi mabĩlĩ naanĩĩ ikyalansile ajialue majialo meelu; numumatũe maao ngala za zahabũ.