Luka 21:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ Niniinie mukishakigua sunga nĩaleli nĩanũna nĩantua nĩasuaĩaani, nĩndĩo ĩkakumuulaga namwĩingĩ mumiani.

Luka 21:16 ပူးပေါင်းရင်းမြစ်များ

Matayo 10:21

Munũna ukakumusakia umunũna waakue waulague, io-iioo nũshee numuana, nĩaana ĩkakuauukĩĩla ĩaleli nukukuaulaga.

Maliko 13:12

Numunũna ukakumusakia umunũna waulague, nũshee numuana waakue yoi, nĩaana ĩkakuasakia ĩaleli aao aulague.

Luka 12:53

Ikilemana ũsheenumuana waakue, umuananũshee, unina numunanso waakue, umunanso nunina; umukuĩlĩmĩla numukuĩ waakue, umukuĩ numukuĩlĩmĩla.”

Luka 21:15

Kunsooko ĩne nĩkakumupeela ĩmĩlomo nĩmasala, ĩalugu aani nasika ikishũũma kukumadula nukukumupĩnga-pĩnga.

Luka 21:17

Niniinie mukishuukĩlua nĩantu tũlũ kunsooko ya liina liane.

Utendi 12:2

Numuulaga uYakobo umunũna wa kĩYohana kwiyũmba.

Utendi 7:59

Naamutũlanga namagũe uSitepano, ninduyo nwilompa, nuĩga, “Shekulu Yesu, aanũnkula ĩnkolo yaane.”

Ukũnukulua 12:11

Ndĩo naamudula kumugali wa kĩMuana-nkolo, nukulukaani lwa ukuĩli wao; sunga sika naaulogua uuumĩ waao sunga kunkia.

Ukũnukulua 2:13

Manile pĩna wikyalile, paasio pityengu lya kĩShetani; nunduue uambile dũũ ĩliina liane, kangĩ sika nukaana uusuĩĩli, waane, sunga muntondo za kĩAntipa, mukuĩli waane namusuĩĩli, naalĩ muulague pakatĩ yaani, paasio pĩna ukikyalaa ũShetani.

Ukũnukulua 6:9

Pĩna nuuũnanga ũmuntoozo wakataano, namona nsĩlĩlĩ ya upolelio inkolo zaao naali aulague kunsooko ya lukaani lwa kĩNzua, nukunsooko ya ukuĩli naalĩ akuĩlĩĩle.