Luka 2:36 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁶ Alukoolĩ munakĩdagu-mukĩĩma ĩliina liakue Ana muana wa kĩPanueli wa luuli lwa kĩAsheli; alĩ wakombitile. Alũkyalile numugoosia miaka mupũngatĩ kwipũna unanso waakue,

Luka 2:36 ပူးပေါင်းရင်းမြစ်များ

Luka 2:35

(nunduue, iyũmba likishoma ĩnkolo yaako), koona ĩmasĩĩgo ma nkolo ningĩ makũnukuke.”

Luka 2:38

Nunduyo nuuza ityũngo lĩĩlo-lĩĩloo numusongelia uNzua, nuaĩĩla impola zaakue ĩaasio tũlũ naalĩ alaaĩlĩĩle uukomolua wa Yelusalemũ.

Utendi 2:18

Sunga pantondo zaasio nĩkakuiitĩla ĩĩtumi aane, 2 agoosia nĩnaasungu, uMuau waane, Ndĩo ikipũnia uunakĩdagu.

Utendi 21:9

uMuntu uyu alutĩĩte ananso anĩĩ naakupũnagiaa uunakĩdagu.

1 Akolinto 11:5

Ĩpa musungu wensi pĩna wilompa katia pĩna wipũnia unakĩdagu pĩna sikukũmbile ityũe, ukulĩkolia inshoni ityũe liakue, kuluulo ingĩ ilika lĩmuĩ nunumuile.

1 Akolinto 12:1

Mumpola za ipeegua ya kĩnkolo anũna aane, sika nsiiile mulekilĩnga.

1 Timoteo 3:2

Luulo gua, ijĩpĩĩle mulĩnguli wĩĩ utĩĩte lukũmo naluuza, mugoosia wa musungu umuĩ, kangĩ nasikukugaalaa, munamasala muntu wa kĩĩsa-kĩĩsa, musũgamĩĩlia agenda, numanile kwilanga;

1 Timoteo 5:9

uMukiĩlua walekiandĩkua isiititũla ĩwaalĩĩ miaka makumi mutandatu, nduyo ĩalĩ musungu wa mugoosia umuĩ;

Ukũnukulua 7:6

A luuli kwa kĩAsheli magana manzogũ kyumi namabĩlĩ, A luuli lwa kĩNapũtali magana ma nzogũ kyumi namabĩlĩ, A luuli lwa kĩManase magana ma nzogũ kyumi namabĩlĩ.