Luka 19:18 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁸ Nuuza nwa kabĩlĩ nuũga, ‘Shekulu, ityũmpĩ liako lyaleetaa nsaĩlo ya matũmpĩ mataano nĩmĩĩa.’

Luka 19:18 ပူးပေါင်းရင်းမြစ်များ

Matayo 13:23

Ndizo naalĩ minzue mumasalu namaaza, uyu wayu nukulũigagiaa ulukaani nukukululĩnga; uyu wayu ukupĩaa inkali, umuua gyana, umuua makumi mutandatu, umuua makumi matatu.”

Matayo 25:22

“Nuuza naalĩ waanunkuĩle ĩtalanta zibĩlĩ, nuũga, ‘Shekulu, aluĩĩkile kumuane talanta zibĩlĩ; ntiizi ninjia talanta zibĩlĩ, naligilie nsaĩlo.’

Maliko 4:20

Nindĩĩa naalĩ aminzue pamasalu namaaza, ingĩ naakulũigagiaa ulukaani nukukuluanũnkula, nukwipĩa impeke, umuua makumi matatu, umuua makumi mutandatu, umuua gyana.”

Luka 19:13

Nuĩĩta antu kyumi muĩtumi aakue, nuapeela shilinge gyana lya nzogũ, nuaĩĩla, muĩnzĩle ninjia sunga pĩna nijiliiiza.

Luka 19:17

Numuĩĩla, ‘Iiza, mwĩtumi numuuza; kunsooko alumusuĩĩli kulukaani naluniino uziteme kaa kyumi.’

Luka 19:19

Numuĩĩla ninduyo, ‘Ue uziteme kaa zitaano.’”

2 Akolinto 8:12

Kuitĩ malĩĩ ukoolĩ uulooa, ukugombagiguaa kwilika lya nsao zaakue umuntu, sika kwilika lya usilĩlua waakue.