Luka 18:30 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁰ nasikukipeegua nangũlũ nkua ningĩ munityũngo ĩlĩ, numuunkũmbigyulu naũjile uupanga wa kalĩ nakalĩ.”

Luka 18:30 ပူးပေါင်းရင်းမြစ်များ

Matayo 12:32

Wensi kanga waatambule ulukaaani lwa kumusiita uMuana-muntu ukileegeligua uutimu, ĩpa uzo kanga watambule ulukaaani lwa kumusiita uMuau Muelu siku kileegeligua uutimu muna umkũmbigyulu uu sunga nuwaasio naukiiza.

Matayo 4:24

Nulukũmo luakue nalukũmuuka mũSilia yensi, naamuleetela tũlũ naalĩ alemekigue nuuluĩle ninjago ningĩ, ĩanalĩsĩĩmuĩ, ĩaguankolo niakiigyandi, nuakamia.

1 Timoteo 4:8

kuitĩ kukĩkamatĩkia kwiligia ingũlũ za muĩlĩ yukuleeta nsaĩlo iniino, ĩpa uuuza wa wĩtekeli ukuleetaa nsaĩlo mumpola zensi; kuitĩ utĩĩte lyago lya upanga wityũngo ĩlĩ nuwaasio naũjile.

1 Timoteo 6:6

Tai, kukumutekela uNzua palumuĩ nukwiendua muumo, ingĩ nsaĩlo nkulu.

Ukũnukulua 2:10

Ulekioopooka inkaani nazĩkakukuagaana. Laaa ũShetani ukitũla kumugumĩla namuĩngĩ mumiani mukĩtũngo koona mugemue, niniinie mukitũla ninjago intondo kyumi. Wĩĩ musuĩĩli sunga ĩnkia, nineene nĩkakukupeela ĩngala ya upanga.”

Ukũnukulua 2:17

Uyo nutĩĩte ukutuĩ nũigie ulukaani ulu kĩna uMuau ukumaĩĩla ĩmakanisa. Nudulile nĩkakumupeela kwilĩa ityũmpĩ lya mana naalĩ mpisue, nineene nĩkakumupeela igyũe nalielu, numwigyũe liandĩkue liina nĩpia nasika wĩliĩzĩ kamuntu, isiititũla nukulianũnkulaa.”

Ukũnukulua 3:21

Uyo nudulile, nĩkakumupeela kukikyalansa palumuĩ nineene mwityengu liane lya kĩtemi, zĩ uneene naalĩ ndulĩle nanikyalansa palumuĩ nuTata waane mwityengu liakue lya kĩtemi.