Luka 18:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ Ĩpa ũYesu nuĩĩta aaze kumuakue nuũga; “Alekĩ ĩang'inia aaze kumuane, muleke kuagilia, kuitĩ naĩkĩna ĩa, uutemi wa kĩNzua ingĩ waao.

Luka 18:16 ပူးပေါင်းရင်းမြစ်များ

Matayo 19:14

Ĩpa ũYesu nuũga, “Alekĩ ĩang'inia aze kumuane, muleke kuagilia, kuitĩ naĩkĩna ĩa, uutemi wa kwigyulu ingĩ waao.”

Luka 18:15

Naamutualĩla sunga ipiana wapishumbule; ĩpa ĩamanigua pĩna naaona naagilia.

Luka 18:17

Tai namuĩĩla, unuasio nasikukuwaanũnkulaa uutemi wa kĩNzua zĩ mung'inia sikukuwingĩla kainiino.”

Utendi 2:39

Kuitĩ ilyago ingĩ kumiani nukuaana aani nukuaasio naĩĩlĩ kulĩ tũlũ ensi, ĩaasio ũShekulu Nzua wĩĩtu ukuĩĩtaa kumuakue.”

1 Akolinto 14:20

Anũna aane, mulekitũla ang'inia mumasala maani, ĩpa muubĩĩ muĩ aana atakata; ĩpamumasala maani muĩ antu naakulu.

1 Akolinto 7:14

Kuitĩ umugoosia nasikusuĩlĩĩle ukuelagiguaa kunzĩla ya musungu. Numusungu nasikusuĩlĩĩle ukuelagiguaa kunzĩla ya mugoosia; kanga ĩsika iio, ĩaana aani aza ijilitũla a udobũ, ĩpaino ingĩ eelu.

1 Petelo 2:2

Zĩ aana naatakata naalelue ĩpaino maawĩ ĩmasunsu ma nkolo ĩma, tai, mukulĩle kumaasio mupikĩĩle uugũnua;