Luka 18:14 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁴ Namuĩĩla, uyu nũika kwienda kukaa yaakue mukola kulukuuluu kwikĩla uyo; kuitĩ wensi nukĩkulagiaa ukiniinupigua, ninduyo nukĩniinupagiaa ukikuligua.”

Luka 18:14 ပူးပေါင်းရင်းမြစ်များ

Matayo 23:12

Wensi nukĩkulagiaa ukiniinupigua; wensi nukĩniinupagiaa ukikuligua.”

Matayo 5:3

“akembetue ĩatũka a nkolo; kuitĩ uutemi wa kwigyulu ingĩ waao.

Luka 1:52

waaguusagiaa ĩakulu kwipũna mumatengu maao ma kĩtemi; nuanansula ĩaniino.

Luka 10:29

Nunduyo nwĩsiia kukĩona kĩna munakulukuuluu, numukolia ũYesu; “uMunakaa waane waani?”

Luka 14:11

Kuitĩ wensi nukĩkulagiaa ukiniinupagigua, ninduyo nukĩniinupagia ukikuligua.”

Luka 16:15

Nuaĩĩla; “Inie niinie mukĩpeelaa ĩkulukuuluu ntongela ya antu, ĩpa uNzua ulĩngile inkolo zaani; kuitĩ nalukuligue pakatĩ ya antu lukutũla uĩĩpĩlua ntongela ya kĩNzua.

Alumĩ 3:20

Kunsooko ĩĩ, ukutilĩ umukola muĩlĩ nukialĩĩligua ĩkulukuuluu ntongela yaakue kuutendi wa Ulagĩĩlio. Kuitĩ kwilĩnga ĩmĩlandu yukuuzaa kunzĩla ya Ulagĩĩlio.

Alumĩ 4:5

Ĩpa nasika wĩtumile umulĩmo, ĩpa nusuĩlĩĩle mumuakue nukumualĩĩlia ĩkulukuuluu umunamĩlandu, uyo gua waalĩĩgiguaa ĩkulukuuluu kuusuĩĩli waakue.

Alumĩ 5:1

Iio gua, kunsooko kuaalĩĩligue ĩkulukuuluu kuusuĩĩli, kutĩĩte matiliga kwa kĩNzua kunzĩla ya kĩShekulu wĩĩtu Yesu Kilisito.

Alumĩ 8:33

Waani ukakuasokia ĩasaagulua a kĩNzua. ũNzua ingĩ umuene nukuaalĩĩlagiaa ĩkulukuuluu.

Agalatia 2:16

kumanile kĩna umuntu sikukualĩĩlagiguaa ĩkulukuuluu kuutendi wa Ulagĩĩlio ĩpa kunzĩla ya usuĩĩli mwa kĩYesu Kilisito, nindiishie nakusuĩĩla mwa kĩKilisito, Yesu koona kualĩĩligue ĩkulukuuluu kuusuĩĩli mwa kĩKilisito, sika kuutendi wa Ulagĩĩlio, kunsooko kutilĩ kamukola muĩlĩ nwakualĩĩligua ĩkulukuuluu kuutendi wa Ulagĩĩlio.

Yakobo 4:10

Mwĩniinupie ntongela ya kĩShekulu ninduyo ukakumukulia.

Yakobo 4:6

Ĩpa ukongelelagiaa uukende; luulo uũgile, “uNzua ukĩsinkaa nĩanalukeemo, ĩpa ukuapeelaa uukende naĩniinupilie.”