Luka 17:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Ĩkendegeelĩ! Kanga umunũna waako watimule, umusugule; na wapela umulekele.

Luka 17:3 ပူးပေါင်းရင်းမြစ်များ

Matayo 18:21

Paapo uPetelo pĩna numuagaana, numuĩĩla, “Shekulu, umunũna waane wantimulĩĩle kanga, numulekele; sunga nkua mupũngatĩne?”

Luka 21:34

“Ĩsukukĩ gua, inkolo zaani zilekilemeeligua nuulakũ nulugaalo nuukunkunali wa uumĩ uu, sunga ulutondo luasio lumuagaane kumpũmpũkĩli zĩ mutego nukuguĩlanagiaa.

Aepeso 5:15

Laaĩ kĩĩsa kĩna mwigenda, sika kĩna antu naagila kamasala, ĩpa kĩna naatĩĩte ĩmasala;

Aebulania 12:15

Mwĩlaaĩkie sunga kaumuĩ walekiulia uukende wa kĩNzua; itina lya usungu lĩleke kigyelela nukukumuagia, nukunzĩla ĩĩ antu iingĩ adobigue munkolo.

Yakobo 5:19

Anũna aane, kanga wensi mumiani wamĩlimĩĩle inzĩla ya tai, nunuĩngĩ wamushookie,

2 Yohana 1:8

Ĩkendegeelĩ, mulekilimĩĩlia naalĩ mukĩkunkunalĩĩle, ĩpa muanũnkule ĩkĩpeegua kiensi.