Luka 17:24 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁴ kuitĩ kĩna ulupĩĩto nalukumĩlĩkaa kwipũna luandĩ ulu nsĩlĩlĩ igyulu sunga kuluandĩ ulo nsĩlĩlĩ igyulu, iio ukitũla uMuana-muntu palutondo luakue.

Luka 17:24 ပူးပေါင်းရင်းမြစ်များ

Matayo 24:27

Kuitĩ kĩna iio-iioo ulupĩĩto nalukupũnaa kukĩĩlĩma nalupĩĩta sunga kumueli, iio-iioo ikitũla kwiiiza kumuakue uMuana-muntu.

Matayo 24:30

Paapo kĩkakigyelela ĩkĩlĩgasĩĩlio kya Muana-muntu kwigyulu; nindugu tũlũ zensi za unkũmbigyulu zikilĩla kĩlĩlo nukukumuona uMuana-muntu upolokile mukiania ya malũnde ma kwigyulu kungũlũ nuukulu wingĩ.

Matayo 25:31

“Pĩna ukiiiza uMuana-muntu muukulu waakue, nĩamalaĩka tũlũ palumuĩ nduyo, paapo ukakikyalansa mwityengu lya ukulu waakue,

Matayo 26:64

ũYesu numuĩĩla, “Uue uũgile. Kangĩ numuĩĩlĩĩle, kwipũna nantende mukakumuona uMuana-muntu wikyalansile pamukono wa kĩgoosia nwa ngũlũ, upolokile mumalũnde ma kwigyulu.”

Matayo 5:15

ĩAntu sika akusonsagiaa ĩntala nukwiĩĩkĩla munsĩ ityooto, ĩpa pauĩĩko wa ntala; yukuamĩlĩkĩlaa tũlũ ensi naakoolĩ munumba.

1 Akolinto 1:8

Ninduyo ukakumukamĩnkĩĩlia sunga ĩmpelo, mulekishokigua palutondo lwa kĩShekulu wĩĩtu Yesu Kilisito.

1 Atesaloniki 5:2

Kuitĩ inie uniinie mumanile nkankanaa ya kĩna ulutondo lwa kĩShekulu lũjile kĩna iio umũii nukuuzaa muutiku.

2 Atesaloniki 2:2

Mulekishũngũsigua kuukaaũ mwishala liani nukwitunduala, kanga yĩĩ kunkolo katia kulukaani, katia kumbalua nansĩĩgilue kĩna yĩĩtu, ya kĩna uLutondo lwa kĩShekulu lwapikaa.

2 Atesaloniki 2:8

Paasio paapo ukikũnukulua unuasio umuleki, uyo nũShekulu Yesu ũjile kumuulaga namuau wa mulomo waakue, nukukumuleegia kuwigyeleli wa kuuza kumuakue.

Yakobo 5:8

Niniinie gua, gigimĩliĩ, kamiĩ inkolo zaani, kunsooko kwishooka kumuakue ũShekulu yasũgamĩĩlaa.

2 Petelo 3:10

Ĩpa ulutondo lwa kĩShekulu lukiiza zĩ mũii; palutondo luasio paapo igyulu likilega kumulugũzo mukulu niyaasio naalĩ iumbue kwipũna iyuukĩ ikitaulua nukwishonsua namooto, nĩnsĩĩ nĩmĩlĩmo nĩkoolĩ munsĩ yaakue ikijigĩligua.