Luka 17:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ sunga sika ikiũga, Laaa, ukoolĩ kunu, katia ukoolĩ uko; kuitĩ laaa, uutemi wa kĩNzua ukoolĩ mumuani.

Luka 17:21 ပူးပေါင်းရင်းမြစ်များ

Matayo 12:28

Ĩpa ĩne kanga ĩnukumaĩngaa ĩmasĩĩmuĩ kuusũũmi wa kĩMuau waa kĩNzua, iio gua, uutemi wa kĩNzua wamuuzĩĩlaa.

Maliko 13:21

Paapo kanga muntu wamuĩĩle, “Laaa, ‘uKilisito nsuuyu papa’; laaa ‘nsuuyo uko,’ lekishuĩĩlĩ.

Luka 17:23

Kangĩ ĩkakumuĩĩla, Laaĩ uuko! Laaĩ kunu! Mulekilega, sunga muleke kuatiata,

Luka 21:8

Nuũga, “Laaĩ, aleke kumulimĩĩlia, kuitĩ iingĩ ikiiza kuliina liane Iiuga, ‘ĩne neene;’ kangĩ; ‘iTyũngo lyasũgamĩĩla!’ Muleke kuatiata ĩaasio.

Yohana 1:26

uYohana nushookeelia nuũga, “Ĩne nibadĩĩzia kumaazĩ; pakatĩ yaani wĩĩmĩkile nasika mumuĩzĩ inie,

Yohana 18:36

ũYesu nushookeelia, “uUtemi waane sika wa unkũmbigyulu uu, kanga uutemi waane ĩazaa wa unkũmbigyulu uu, ĩĩtumĩ aane aza ijile kĩnsomeelia ndekiĩĩkua mumĩkono ya Ayahũdi. Ĩpa gua, uutemi waane sika wa ĩpa.”

Alumĩ 14:17

Kuitĩ uutemi wa kĩNzua sika kwilĩa nikwikopa, ĩpa ingĩ kulukuuluu nĩmatiliga nuulumbi mwa kĩMuau Muelu.

Akolosai 1:27

uWaasio uNzua naalusiile kukuũgyelelia kĩna wĩĩlĩ ugolĩ wa ukulu wa unkũnkũ uu pakatĩ ya ndugu nazĩngĩ; nduyo ingĩ uKilisito munsĩ yaani, ulaaĩĩli wa ukulu.