Luka 16:24 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁴ Nwĩtunta nuũga, Ee tata Ibũlahimu, unkolelue kĩnishungu, umutume uLazalo watoelie ĩnsonge ya luala luakue mumaazĩ walupolie ululĩmĩ luane, kunsooko niaaga muna mooto uu.

Luka 16:24 ပူးပေါင်းရင်းမြစ်များ

Matayo 25:41

“Paapo ukakuaĩĩla naĩĩlĩ pamukono wa kĩkĩĩma, ‘Legĩ kumuane namwazũmilue; ingĩlĩ mumooto wa kalĩ nakalĩ, naalĩ mukoleleligue ũShetani nĩamalaĩka aakue.

Matayo 3:9

Mulekishĩĩga nukwitambula munkolo zaani, ‘Kutĩĩte utata wĩĩtu, uIbũlahimu;’ luulo gua, namuĩĩla kĩna uNzua usũũmile mumagũe aya kukumũgyelelia uIbũlahimu ĩaana.

Matayo 5:22

Ĩne gua, namuĩĩla. Wensi nukumutakĩĩlaa umunũna waakue yumũjĩpĩĩle ulamulua. Nukumushoonelagia umunũna waakwe yumũjĩpĩĩle watualue kwilindi; numuntu wensi kanga wamumele, yumũjĩpĩĩle ĩGehena, ya mooto.

Luka 16:30

Nuũga, ‘Zũi Tata Ibũlahimu, ĩpa kanga muntu wapũne muakiu waagaane ndĩo ikipela.’

Luka 19:9

ũYesu numuĩĩla; “Nantende uugũnua wapikaa muna numba ĩĩ kuitĩ uyu ninduuyu muana wa kĩIbũlahimu.

Luka 3:8

Pĩĩ gua inkali nazijĩpĩĩle uupeli; kangĩ mulekiandia kwitambula munkolo zaani, ‘Kutĩĩte utata, nduyo;’ uIbũlahimu, kuitĩ namuĩĩla kĩna uNzua usũũmile muna magũe aya kukumunansulĩlia uIbũlahimu ĩaana.

Yohana 4:10

ũYesu nushookeelia numuĩĩla, “Kanga azuulĩngile azuujile kuumana uupeegua wa kĩNzua ninduyo waani nukuĩĩlile, mpeela nkope, azũjile kumulompa uzo; nduzo azũjile kukupeela ĩmaazĩ ma upanga.”

Yohana 4:14

unuasio nukikopa ĩmaazĩ nanĩkakumupeela ĩne, sikukikolua kanoota sunga ĩkalĩ nakalĩ, ĩpa ĩmaazĩ nanĩkakumupeela mikitũla munsĩ yaakue nziĩlio ya maazĩ namakusamambaa sunga kuupanga wa kalĩ nakalĩ.”

Yohana 7:37

Palutondo nalukulu nangũlũ, lwa mumalĩĩlio lwa ntondo nankulu, ũYeu nuĩmĩka nwĩtuntĩkia nuũga, “Tũlũ wensi kanga wakolue ĩnoota waaze kumuane wakope.

Alumĩ 4:12

kangĩ watũle tata wa aasio naaaalamigue; sika kuaasio naalĩ aalamigue udũũ, ĩpa sunga naakutiataa gaa ulugendo lwa usuĩĩli naalutĩĩte utata wĩĩtu uIbũlahimu pĩna alĩ wikĩĩlĩ kalaalamigua.

2 Atesaloniki 1:8

kunu ĩukakuakaasia ĩaasio nasika amuĩzĩ uNzua, nĩndĩo nasika azigombile iMpola naNziiza ĩza kĩShekulu wĩĩtu Yesu Kilisito.

Yakobo 2:13

Kuitĩ uulamuli ugila kakĩnishungu mumuakue nasikukulagĩĩlaa ĩkĩnishungu; ĩkĩnishungu kyukuudulaa uulamuli.

Yakobo 3:6

Nululĩmĩ ndulo luene mooto; luene unkũmbigyulu wa uleki. Mumatũmpĩ mĩĩtu ma muĩlĩ, ululĩmĩ luene lukudobagiaa umuĩlĩ tũlũ wensi, kangĩ lukuishonsa tũlũ naalĩ iumbue, ndulo lukuakĩlagiguaa numooto wa Gehena

Ukũnukulua 19:20

ĩNimu nĩguĩlua, numunakĩdagu wa ulongo palumuĩ nĩnduyo uyo naalutendile ilĩngasĩĩliio ntongela yaakue, kuitĩ kũyaasio alualimĩlĩĩlie ĩaasio naalĩ aligilie uugomola wa nimu, nĩndĩo naalĩ akumutekela unzegamĩla waakue; ĩaasio naabĩlĩ naataagua kĩlĩ apanga munanza ya mooto nĩakĩĩle kukĩbiliti-biliti.

Ukũnukulua 20:15

kanga wensi wasiite kigyela muandĩkua mukĩtabũ kya upanga, nutaagua munanza ya mooto.

Ukũnukulua 22:1

Paapo nundagĩĩla umongo wa mazĩ ma upanga naukumĩlĩmĩntaa zĩ kĩlolelo, upũnile mwityengu lya kĩtemi lya kĩNzua, nĩlya Muana-nkolo,