Luka 16:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Numuĩta numuĩĩla, Mpola kĩizi nanikigyũlia kumuako. Pũnia iyalo lya ulindĩĩli waako, kuitĩ sikusũũmile kwitũla mulindĩĩli kangĩ.

Luka 16:2 ပူးပေါင်းရင်းမြစ်များ

Matayo 12:36

Luulo namuĩĩla, Lukaani luensi lwa kiaka naakutambulaa ĩantu ijilipũnia iyalo lya lukaani luasio palutondo lwa ulamuli.

Matayo 20:8

Pĩna niĩ mpĩndĩ umukola mugunda numuĩĩla umulindĩĩla mugunda, ‘ĩĩte ĩatiĩkia, uapeele ĩkĩnamulĩmo kiao, wandĩĩlie ĩa mumalĩĩlio sunga ĩa muandio.’

Luka 12:20

Ĩpa uNzua numuĩĩla; “Umunaulu uue, uutiku wau nĩmĩsiiile ĩnkolo yaako; niintu naalĩ wĩuutĩĩlie ikitũla ya kuani?

Luka 12:42

ũShekulu nuũga, “Waani gua umulindĩĩli namusuĩĩli nĩnamusugũ, ũShekulu waakue ukakumuĩĩka munumba yaakue waapeele ĩantu india zaao pityũngo liao.”

Luka 16:1

Kangĩ nuaĩĩla ĩamanigua aakue, “Alukoolĩ muntu umuĩ mugolĩ naalutĩĩte umulindĩĩla-nsao. Uyo nusokigua kumuakue ya kĩna wishapatĩlia inshao zaakue.

Luka 16:3

uMulindĩĩli nuũga munkolo yaakue, ntendeii, kuitĩ ũShekulu waane wandeegelia uulindĩĩli waane. Kwilĩma sika nsũũmile; kwigelelua niona nsoni.

Alumĩ 14:12

Iio gua wensi pakatĩ yĩĩtu ukipũnia iyalo liakue umuene kwa kĩNzua.

1 Akolinto 1:11

Kunsooko naĩĩlĩĩlue impola zaani anũna aane nĩaasio a munumba ya kĩKiloe, kĩna ukoolĩ wĩleei kumuani.

1 Akolinto 4:2

Kangĩ naishiiue mualindĩĩli, wensi wigyelele wĩĩ musuĩĩli.

1 Akolinto 4:5

Iio gua, mulekilamula kalukaani pĩna likaalĩ ityũngo liakue, sunga waaze ũShekulu; nunduyo wijile kuziĩĩka muwelu nazĩpisile muwiilu, nukukumigyelelia ĩmasĩĩgo ma nkolo; paapo muntu wensi wijililigia ulukũmo luakue kwa kĩNzua.

2 Akolinto 5:10

Kuitĩ yukũjĩpĩĩle kukigyelela ntongela ityengu lya ulamulua lya kĩKilisito, koona muntu wensi waanũnkule naalumatendile pĩna alĩwĩĩlĩ mumuĩlĩ, namatũla maaza katia mabĩĩ.

1 Timoteo 4:14

Ulekileka kukĩtumĩla uupeegua naukoolĩ munsĩ yaako naalumupeegue kunzĩla ya unakĩdagu palumuĩ nukuuĩĩkĩlua wa mĩkono ya anampala.

1 Timoteo 5:24

ĩMĩlandu ya antu naĩngĩ yĩkwaliĩ yatongĩĩle kwienda kuulamulua, ĩpa ĩmĩlandu ya naĩngĩ ĩkakigyelela pembele.

1 Petelo 4:10

wensi kĩna alĩ waanũnkuĩle ĩkĩpeegua, kĩtumĩlĩ gua muwĩaalĩĩlia, zĩ akendegeeli naaaza a ukende nawĩkulĩ-kulĩ wa kĩNzua.

1 Petelo 4:5

Ndĩo ikipũnia iyalo kumuakue uyo nwĩlĩganĩlĩĩlie kukualamula naapanga nĩnaakiile.

Ukũnukulua 20:12

Namona ĩakiu, akulu nĩnaaniino, ĩĩmĩkile pigyengu lya kĩtemi; niitabũ naikũnukulua. Nĩkĩtabũ kĩĩa nakĩkũnukulua, kĩĩkio ĩkya upanga. Nĩakiu naalamulua mumpola naalĩ nandĩkue mũitabũ yaasio kwilika lya utendi waao.