Luka 16:17 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁷ Ĩpa itontũ igyulu nĩnsĩĩ zilimansĩĩligue kwikĩla katonua kamuĩ ka Ulagĩĩlio kwioononeka.

Luka 16:17 ပူးပေါင်းရင်းမြစ်များ

Matayo 5:18

Tai namuĩĩla; ‘Sunga igyulu nĩnsĩĩ pĩna zijililega, koolua kamuĩ katia kalutonua kamuĩ sika kikileegigua muUlagĩĩlio sunga tũlũ zensi zikondeeligue.

Luka 21:33

iGyulu nĩnsĩĩ zikikĩla, ĩpa inkaani zaane sika zikikĩla kainiino.

Alumĩ 3:31

Ĩpa gua, kwaleegagiaane uUlagĩĩlio kunzĩla ya usuĩĩli. Sika iio! Kuluandĩ luua kwakamĩnkĩĩlia uUlagĩĩlio.

1 Petelo 1:25

Ĩpa ulukaani lwa kĩNzua lukikyalaa sunga ĩkalĩ nakalĩ. Nulukaani luasio luulo Mpola naNziiza naalĩ ntanantigue kunsiani.”

2 Petelo 3:10

Ĩpa ulutondo lwa kĩShekulu lukiiza zĩ mũii; palutondo luasio paapo igyulu likilega kumulugũzo mukulu niyaasio naalĩ iumbue kwipũna iyuukĩ ikitaulua nukwishonsua namooto, nĩnsĩĩ nĩmĩlĩmo nĩkoolĩ munsĩ yaakue ikijigĩligua.

Ukũnukulua 20:11

Namona tyengu lya kĩtemi, kyulu lielu, ninduyo nwikyalansile muliasio, ntongela yaakue ĩnsĩĩ nigyulu nazitalama, paluandĩ luao sika naigyelela kangĩ.

Ukũnukulua 21:1

Namona gyulu pĩa nĩnsĩĩ mpia; kunsooko igyulu lya muandio nĩnsĩĩ nya muandio alĩ zakĩlile, sunga kutilĩ kananza kangĩ.

Ukũnukulua 21:4

Ukipiagula ulũsholi luensi mumiiso maao, nĩnkia ikitũla yukutilĩ kangĩ; sunga ukiu nĩkĩlĩlo nuuwai ukitũla ukutilĩ kangĩ, kunsooko ĩza muandio zakondile kwikĩla.”