Luka 16:10 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁰ “Namusuĩĩli mũintu nainiino ukutũlaa musuĩĩli sunga mũintu naikulu gaa; nasika munakulukuuluu mũintu nainiino ukutũlaa sika munakulukuuluu sunga mũintu naikulu gaa.

Luka 16:10 ပူးပေါင်းရင်းမြစ်များ

Matayo 24:45

“Waani gua umwĩtumi namusuĩĩli namunamasala naalĩ mupeegue umulĩmo nũShekulu waakue, waapeele ĩantu a numba yaakue india zaao pityũngo liao?

Matayo 25:21

ũShekulu waakue numuĩĩla, ‘Iiza gua, umwĩtumi namuuza numusuĩĩli; alĩ umusuĩĩli kuna ikeei, nĩkakukuĩĩka wĩĩ umukulu wa mingĩ; ingĩla muulumbi wa kĩShekulu waako.’

Matayo 25:23

ũShekulu waakue numuĩĩla, ‘Iiza gua umwĩtumi namuuza numusuĩĩli; alĩ umusuĩĩli kuna ikeei, nĩkakukuĩĩka wĩĩ umukulu wa mingĩ; ingĩla muulumbi wa kĩShekulu waako.’

Luka 19:17

Numuĩĩla, ‘Iiza, mwĩtumi numuuza; kunsooko alumusuĩĩli kulukaani naluniino uziteme kaa kyumi.’

Yohana 12:6

Alutambuĩle izi, sika kukuakendegeela ĩatũka, ĩpa kunsooko alĩ mũii, alukuuzaa umĩtĩĩte ĩmbogoosi ya mpeesa, nusola naalĩ iĩĩkue muasio.

Yohana 13:2

Pĩna alĩ ilĩa india za mpĩndĩ, ũShetani nwakondilie kwiingĩlia ĩmasĩĩgo munkolo ya kĩYuda ũsha Simoni nwa kuIsikaliote kukumusakia.

Yohana 13:27

Pĩna numĩlia ĩntonge, paapo ũShetani numũingĩĩla, ũYesu numuĩĩla, “Kĩna witenda, tendaanga.”

Aebulania 3:2

Alĩ musuĩĩli kumuakue uyoo naalumuĩĩkile, kĩna uMusa nduyo naalĩ musuĩĩli munumba tũlũ nya kĩNzua.