Luka 15:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ Katia ukoolĩ musungu kĩ nutĩĩte shilinge kyumi, kanga wamĩlimĩĩlie ĩmuĩ nasikukusonsagiaa ĩntala nukwipiagula ĩnumba nukwidũũmĩkia sunga wamĩone.

Luka 15:8 ပူးပေါင်းရင်းမြစ်များ

Matayo 5:15

ĩAntu sika akusonsagiaa ĩntala nukwiĩĩkĩla munsĩ ityooto, ĩpa pauĩĩko wa ntala; yukuamĩlĩkĩlaa tũlũ ensi naakoolĩ munumba.

Luka 15:7

Namuĩĩla, iio-iioo ukaa ukoolĩ ulumbi kwigyulu kunsooko ya munamĩlandu umuĩ nupelile, kwikĩla kunsooko ya anakulukuuluu naa makumi kyenda nikyenda nasika asiiile kwipela.”

Luka 15:9

Nĩpĩna wamĩona ukĩĩĩtaa ĩasuaĩĩa aakue nĩanakaa aakue nukukuaĩĩla, “Lumbĩ palumuĩ nineene kuitĩ namĩonaa kangĩ ĩshilinge yaane naaza nĩmĩlimĩlĩĩlie.”

Luka 19:10

Kuitĩ uMuana-muntu alĩ wijile kwidũũma nukwigũna naalĩ kĩlimĩlĩĩle.”

Yohana 10:16

Ninkolo nzia nĩzitĩĩte nasika za mumpongolo ĩĩ; nindizo injĩpĩĩle nĩzileete, nululi luane zĩkakulũigia, nalĩkitũla dyale lĩmuĩ numudĩĩmi umuĩ.

Yohana 11:52

kangĩ sika kunsooko ya ndugu ĩĩo udũũ, ĩpa waailingĩĩle ĩaana a kĩNzua naalĩ asapatĩĩle, atũle umuĩ.

Utendi 19:19

Kangĩ iingĩ muaasio naakulagulaa, naailingĩĩla imbũgũlũ zaao naazishonsa umooto ntongela ya antu ensi, naaalia ĩngele yaao, naaona zĩ mpiia magana ma nzogũ makumi mataano

Aepeso 2:17

Nuuza nutanantia ĩmatiliga kumiani inie naalĩ mwĩkulĩ, nĩmatiliga kumiao naalĩ ĩpiipĩ.