Luka 14:23 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²³ ũShekulu numuĩĩla umwĩtumu; Pũna kunzi wende kunzĩla nankulu nukumpongolo uakankanĩke ingĩle, koona ĩnumba yaane ijule.

Luka 14:23 ပူးပေါင်းရင်းမြစ်များ

Matayo 21:43

“Kuitĩ yoi namuĩĩla ya kĩna uutemi wa kĩNzua ukileegigua kumiani, ikipeegua ndugu nyukupĩaa inkali zaakue.

Matayo 5:41

Nuasio nukakukukankanĩka wende maili ĩmuĩ, lenda ninduyo zibĩlĩ.

Luka 14:22

uMwĩtumi nuũga; Shekulu, zaasio naazundagĩlĩĩlie zatendekaa, sunga kĩlĩ lĩkoolĩ ĩlioma.

Luka 14:24

Kuitĩ namuĩĩla ya kĩna muaasio naalĩ aanue kutilĩ kaumuĩ nukitoma india zaane.”

Luka 24:29

Naamupeepia naaũga, “Kyala palumuĩ nindiishie, kunsooko wiilaa numunsĩ waulaa.” Nũingĩla munumba kukikyala nĩndĩo.

Utendi 16:15

Pĩna nubadĩĩzigua nĩa numba yakue sue, nukupeepia nuũga, “Kanga ĩmwamonaa kĩna naazaa musuĩĩli mwa kĩShekulu, ingĩlĩ munumba yaane, mwikyale.” Nukukankanĩka.

Utendi 18:6

Pĩna naĩkunguma nduyo nukukumutuka, nukũnũnta intiila zaakue, nuaĩĩla, “Ĩmĩgali yaani nayĩĩ mumatũe maani, ĩne numugila kautimu. Kwipũna nantende nikienda kundugu nazĩngĩ.”

Utendi 28:28

Luulo gua imanĩke kumiani kĩna uugũnua uu wa kĩNzua watualaguaa kundugu nazĩngĩ, nĩndĩo ikitegeela.”

Utendi 9:15

Ĩpa ũShekulu numuĩĩla, “Longola udũũ, kunsooko unuasio ingĩ kĩseme nakĩsaagulue kumuane walĩtuale ĩliina liane ntongela ya ndugu nazĩngĩ nĩatemi nĩaana a Ĩsilaeli.”

Alumĩ 10:18

Ĩpa nakolia, ĩo sika naiigiane? Eeze, iigilie; kuitĩ “uLuli luao nalusapatĩla muna nsĩĩ poo, Ninkaani zaao sunga impelo za unkũmbigyulu.”

2 Akolinto 5:11

Iio gua, pĩna kwamana uooa kwa kĩShekulu, kukuasugulaa ĩantu; ĩpa kũigyeleligue kualiĩ pa kĩNzua, sunga nsuĩlĩĩle kũigyeleligue kualiĩ numumioo yaani gaa.

2 Akolinto 5:20

Kuluulo gua, ishie kuatumua palioma lya kĩKilisito kĩna uNzua ukumupeepia kumĩlomo yĩĩtu. Kwa mulompa inie kunsooko ya kĩKilisito, mukamantanigue nuNzua.

2 Akolinto 6:1

Nindiishie pĩna kukĩtuma umulĩmo palumuĩ nduyo kukumupeepia mulekiaanũnkula nakanda uukende wa kĩNzua,

Akolosai 1:23

Kanga mwikyale muusuĩlĩ, muzengue mumukũlĩla wa ngũlũ mulekileegeligua paulaaĩĩli wa Mpola na Nziiza naalĩ mũigilie, naalĩ ntanantigue kuiumbe tũlũ nayĩĩlĩ nsĩlĩlĩ igyulu Nineene Paulo nantũla mwĩtumi waakue.

Akolosai 1:28

Wayuuyu kukumutanantia impola zaakue, nakukumusugula muntu wensi, nukukumumania muntu wensi mumasala tũlũ, koona kumuleete muntu wensi mukamĩnkĩĩlũ mwa kĩKilisito.

2 Timoteo 4:2

Lutanantie uLukaani, ĩkamatĩkie matũngo namijĩpĩĩle nĩmatũngo nasika mijĩpĩĩle, uasokie ubĩĩ waao, uasugule, uakamie nkolo muugigimĩlia tũlũ numuumanigua.