Luka 13:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ Nushookeelia nummuĩĩla; ‘Shekulu, uuleke umuaka wau udũũ sunga nuugĩngĩle, nuwiitĩle nuutope,

Luka 13:8 ပူးပေါင်းရင်းမြစ်များ

Luka 13:7

Numuĩĩla umukendegeeli wa mĩzabiibu, ‘Laaa, ĩmiaka ĩtatu ĩĩnukuuza nanidũũma inkali mumukuu uu ĩpa sika naniziona; uuteme. Nĩkĩ ukoonoonaa nĩnsĩĩ gaa.’

Luka 13:9

nĩnduo kanga upĩe inkali umuaka naũjile, iiza; kanga usiitipĩa, paapo gua uuteme.’”

Luka 14:35

Sika wijĩpĩĩle kumugunda sunga pawiito; ĩantu akuutaagaa kunzi. Nutĩĩte ĩakutuĩ a kuigĩlia, nũigie.”

Alumĩ 10:1

Anũna aane, numuloe nkankanaa munkolo yaane, kangĩ nukulompaa kwa kĩNzua kunsooko ya Aĩsilaeli, koona agũnue.

Alumĩ 11:14

koona nĩtende wĩĩlũ nakumugali umuĩ nineene, nukukuagũna umuĩ umuĩ mumiao.

2 Petelo 3:9

ũShekulu sikutinilie kwitimĩĩlia ilyago liakue, kĩna naĩngĩ naakuũga watinia. Ĩpa ukugigimĩlagiaa kumuani, sika muloe tũlũ wensi walimĩĩle, ĩpa tũlũ ensi apikĩĩle uupeli.