Luka 12:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ Ĩpa nĩkakumusugula namukakumoopooka; moopooke uyo nutĩĩte usũũmi wa kwiulaga, kangĩ utĩĩte usũũmi wa kutaaga muGehena eeze namuĩĩla, moopookĩ unuasio!

Luka 12:5 ပူးပေါင်းရင်းမြစ်များ

Matayo 10:28

Muleke kĩoopooka naakuulagaa umuĩlĩ, nasika asũũmile kukumĩulaga ĩnkolo; taazu mumoopoke nusũũmile kwioonoona ĩnkolo numuĩlĩ gaa muGehena.

Matayo 25:41

“Paapo ukakuaĩĩla naĩĩlĩ pamukono wa kĩkĩĩma, ‘Legĩ kumuane namwazũmilue; ingĩlĩ mumooto wa kalĩ nakalĩ, naalĩ mukoleleligue ũShetani nĩamalaĩka aakue.

Matayo 25:46

Ĩa ikilega ingĩle muukasigua wa kalĩ nakalĩ, ĩpa ĩakola kulukuuluu muupanga wa kalĩ nakalĩ.”

Matayo 5:22

Ĩne gua, namuĩĩla. Wensi nukumutakĩĩlaa umunũna waakue yumũjĩpĩĩle ulamulua. Nukumushoonelagia umunũna waakwe yumũjĩpĩĩle watualue kwilindi; numuntu wensi kanga wamumele, yumũjĩpĩĩle ĩGehena, ya mooto.

Maliko 13:23

Inie gua, ĩkendegeelĩ; nakondagiaa kukumuĩĩla impola zensi.

1 Atesaloniki 4:6

muntu waleke kumutimulĩla nukumupembeelia umunũna waakue mulukaani luasio; kunsooko ũShekulu ingĩ muene ukukaasagiaa munkaani izi tũlũ, kĩna iio naalĩ kumuĩĩlĩĩle kualie ĩmuandio.

Aebulania 10:31

Ingĩ lukaani lwa koopookia kwiguĩla mumĩkono ya kĩNzua namupanga.

2 Petelo 2:4

Kuitĩ malĩĩ uNzua sika alĩ waalekile ĩamalaĩka naalĩ atimuĩle, ĩpa alĩ waagumĩĩle kuulungu, naatũngua nĩmatendele ma kiiti, alindĩĩlue muumo sunga uulamulua uuze;

Ukũnukulua 14:7

nwiũga kululi lukulu, “Moopooke uNzua nukukumukulia, kunsooko ityũngo lya ulamuli waakue liazaa; mutekelĩ uyo naaluzĩpilie igyulu nĩnsĩĩ nĩnanza ninjiĩlio za maazĩ.”

Ukũnukulua 15:4

Waani nasikukoopokile, ee Shekulu, nukwikulia ĩliina liako? Kunsooko ue wing'ene dũũ wĩmuelu. Kuitĩ indugu tũlũ zikiiiza nukukukutekela ntongela yaako, Kunsooko uutendi waako wa kulukuuluu wakunukuĩlue.”

Ukũnukulua 20:14

uUkiu nuUlungu nautaagua munanza ya mooto. Uu wau ukiu wa kabĩlĩ, ndĩo ingĩ ĩnanza ya mooto;