Luka 12:32 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³² Mulekioopoka inie namwidyale niino, kuitĩ uTata waani waloilue kukumupeela inie uutemi.

Luka 12:32 ပူးပေါင်းရင်းမြစ်များ

Matayo 14:27

Ĩkamuĩ nuatambulia, nuũga, “Kamiĩ nkolo ingĩ neene, lekioopokĩ!”

Matayo 20:16

Iio-iioo naa mumalĩĩlio ikitũla a muandio, nĩa muandio ikitũla a mumalĩĩlio.”

Matayo 25:34

Paapo umutemi ukakuaĩĩla ĩaasio naĩĩlĩ pamukono waakue wa kĩgoosia, ‘Nzuĩ namwakembetilue nuTata waane, usaalĩ uutemi naalĩ muazĩpĩlĩligue kwipũna pautũndua wa unkũmbigyulu;

Matayo 7:15

“Ĩkendegeelĩ kuanakĩdagu a ulongo, naakumuagaanaa ĩkũmbile mĩkunza ya nkolo, ĩpa munkolo zaao iyĩngi naataki.

Luka 10:21

iTyũngo lĩĩlo-lĩĩloo nulumbĩĩlia mwa kĩMuau Muelu, nuũga; Nakusongelia Tata, Shekulu wigyulu nĩnsĩĩ, kuitĩ waapisĩle izi ĩanamasala nuusugũ, nuakũnukuĩla naatakata. Eeze Tata, kuitĩ iio alĩ umuloeeligue.

Yohana 18:36

ũYesu nushookeelia, “uUtemi waane sika wa unkũmbigyulu uu, kanga uutemi waane ĩazaa wa unkũmbigyulu uu, ĩĩtumĩ aane aza ijile kĩnsomeelia ndekiĩĩkua mumĩkono ya Ayahũdi. Ĩpa gua, uutemi waane sika wa ĩpa.”

Utendi 20:28

ĩkendegeelĩ uniinie akola, nidyale liensi paasio pĩna uMuau Muelu umuĩĩkile inie muĩ akendegeeli, mulĩdĩĩme ikyanisa lya kĩNzua naalĩ wĩligĩĩlie kumugali waakue umuene.

Utendi 20:29

Ĩne manile kĩna pĩna nikilega, iyĩngi naataki ikiingĩla pakatĩ yaani nasika ĩkakulĩkolelua idyale.

Alumĩ 6:23

Kuitĩ ĩkĩnamulĩmo kya mulandu ingĩ ukiu; ĩpa uupeegua wa kĩNzua ingĩ upanga wa kalĩ nakalĩ mwa kĩKilisito Yesu Shekulu wĩĩtu.

1 Akolinto 1:21

Iio gua, mumasala ma kĩNzua, uunkũmbigyulu pĩna sika umumanile uNzua kumasala maakue, uNzua alĩ muloeeligue kukuagũna naasuĩlĩĩle kuutanantigua wa ulu.

Apilipi 2:13

Kuitĩ ingi Nzua muene nukĩtumaa umulĩmo munsĩ yaani, kwishiia kumiani sunga kwitenda kumiani kwilika lya ulooa waakue nauuza.

2 Atesaloniki 1:11

Luulo, kukumulompeelaa inie intondo tũlũ, koona uNzua wĩĩtu wamũjĩpĩlie kuwĩĩtua waani, wakondeelie tũlũ yensi ya nsula nanziiza nuutendi wensi wa usuĩĩli kungũlũ zaakue.

2 Atesaloniki 1:5

Kĩĩkio kĩlagĩĩlo kya ulamulĩ wa kulukuuluu wa kĩNzua, koona mwijĩpĩligue kwiingĩla uutemi wa kĩNzua nukuwaasio ĩĩo nsooko mwiaagigua.

Aebulania 12:28

Luulo gua, kuitĩ kukuwaanũnkulaa uutemi nasika usũũmile kwishũngũsigua, nakutũle nĩmasongelio, kangĩ kumupũnilie uNzua wĩtekeli wa kumuloeelia, palumuĩ nikyulio nuooa.

Yakobo 2:5

Ntegeelĩ, anũna aane aloogua, uNzua sika aluasaaguĩlene ĩatũka a unkũmbigyulu atũle agolĩ muusuĩĩli, kangĩ asaali a utemi naalualagĩĩle ĩaasio naamuloilue?

2 Petelo 1:11

Kuitĩ yaasio mukipeegua kwiingĩla nangũlũ muutemi wa kalĩ nakalĩ wa kĩShekulu nuMugũni wĩĩtu Yesu Kilisito.

Ukũnukulua 1:6

nukukuzĩpĩlĩlia uutemi, apolia kwa kĩNzua nuTata, kumuakue wĩĩ ukulu nuusũũmi sunga ĩkalĩ nakalĩ. Amini.

Ukũnukulua 22:5

Kutilĩ kautiku paasio, sika asiiile kaweelu wa ntala sunga uweelu wa mpasu, kunsooko ũShekulu Nzua ukueelelagiaa, nĩndĩo ijilitema ĩkalĩ nakalĩ.