Luka 11:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Ĩpa malĩ uniinie namuabĩĩ mumanile kukuapeela ĩaana aani iipeegua naiiza, sika nangũlũne uTata nukolĩ kwigyulu ukakĩkakĩkia kukuapeela uMuau Muelu ĩo naakumulompaa!”

Luka 11:13 ပူးပေါင်းရင်းမြစ်များ

Matayo 5:16

Iio-iioo uweelu waani weelie ntongela ya antu, aone uutendi waani nauuza, amukulie uTata waani nwa kwigyulu.”

Matayo 5:45

koona mutũle aana a kĩTata waani nwa kwigyulu; kuitĩ ukuatuĩlagiaa ĩmpasu yaakue ĩabĩĩ nĩnaaaza, nukukuakuĩlia ĩmbũla ĩanakulukuuluu nĩnasika akulukuuluu.

Matayo 6:14

“Kunsooko kanga mualekele ĩantu uutimu waao, uTata waani nwa kwigyulu ukakumuleegelia inie uutimu.

Matayo 6:30

Ĩpa malĩ uNzua ukumajialaa yoi ĩmasanzĩ ma mumakũũza namakoolĩ nantende matotũ, numudaau namasonsua, sika ukakumujialĩkiane inie namwa usuĩĩli uniino?

Matayo 6:32

Kuitĩ izi zensi ĩa ndugu nazĩngĩ akuzidũũmaa.

Matayo 7:11

Malĩ uniinie gua, namuabĩĩ, mumanile kukuapeela ĩaana aani ipeegua naiiza, sika nangũlũne uTata waani nukoolĩ kwigyulu ukakuapeelaa naiiza naakumulompaa!”

Luka 11:12

katia walompe igyĩĩ ukumupeela ĩngĩĩ?

Luka 11:2

Nuaĩĩla; Pĩna mwilompa ũgĩ, “Tata wĩĩtu nukoolĩ kwigyulu, ĩLiina liako lieligue, uUtemi waako uuze uUlooa waako utendue muna nsĩĩ kĩna ukutendeguaa kwigyulu.

Luka 18:7

nuNzua, sika ukakualigĩliane ĩkulukuuluu ĩasaagulua aakue naakumulĩĩlaa munsĩ nuutiku? Ukakuatinĩliane mumpola zaao?

Yohana 4:10

ũYesu nushookeelia numuĩĩla, “Kanga azuulĩngile azuujile kuumana uupeegua wa kĩNzua ninduyo waani nukuĩĩlile, mpeela nkope, azũjile kumulompa uzo; nduzo azũjile kukupeela ĩmaazĩ ma upanga.”

Utendi 2:38

uPetelo nuashookeelia, “Pelĩ, mubadĩĩzigue wensi mumiani muliina lya kĩYesu Kilisito, muleegeligue ĩmĩlandu yaani, niniinie mukiligia ĩkĩpeegua kya Muau Muelu.

Alumĩ 5:17

Kuitĩ malĩĩ kuutimu wa muntu umuĩ nkia nĩtema kunzĩla ya unuasio numuĩ, naikulu nangũlũ ĩaasio naaanũnkuĩle iwiingĩ wa ukende nuupeegua wa kulukuuluu, ikitema muupanga kunzĩla ya nuasio numuĩ ũYesu Kilisito.

Alumĩ 7:18

Kuitĩ manilee ya kĩna munsĩ yaane, ndogolelio yaakue muuĩlĩ waane, sika lwikyalile kalukaani naluuza; kuitĩ kwilooa ikoolĩ mumuane, ĩpa kukulutenda naluuza kutilĩ.

Alumĩ 8:32

Uyo nasika alumugililie uMuana waakue-waakuee, ĩpa alumupũnilie kunsooko yĩĩtu ishie tũlũ, sikukakukupeelane kuukende iintu tũlũ palumuĩ ninduyo?

Tito 3:3

Kuitĩ ĩpo pakalĩ, ishie nĩndiishie alĩ kuagila kamasala, aleki, nakukupuutagiguaa, asese a nsula nuwĩloeelia wa mpiani ningĩ, nakugendela muubĩĩ nuwĩĩlũ, nuusuukĩlua sunga kukĩsuukĩlua ndiishie kundiishie