Luka 1:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Ĩpa uMalaĩka numuĩĩla, “Lekioopoka Zakalia, kuitĩ uulompi waako wiigagiguaa, numusungu waako uElizabeti ukakukulelelia muana mugosia, ukakumuĩta ĩliina liakue Yohana.

Luka 1:13 ပူးပေါင်းရင်းမြစ်များ

Matayo 1:21

Ukakĩtũnguĩla muana, ukakumuĩta ĩliina liakue Yesu, kuitĩ uyo muene ukakuagũna ĩantu kwipũna mumilandu yaao.”

Matayo 14:27

Ĩkamuĩ nuatambulia, nuũga, “Kamiĩ nkolo ingĩ neene, lekioopokĩ!”

Matayo 28:5

uMalaĩka nuashookeelia, nuaĩĩla ĩasungu, “Lekioopokĩ inie, kuitĩ manile kĩna mukumudũũma ũYesu naalĩ mukononteelue mumusalaba.

Maliko 16:6

Ninduyo nuaĩĩla; “Lekitundualĩ, mukumudũũma ũYesu Munazaleti naalĩ mukononteelue mumusalaba. Wiiukaa, ukutilĩ munu; laaĩ pĩna alĩ amuĩĩkile.

Luka 1:14

Nunduue ukitũla nuulumbi nukwiluluma, nĩantu iingĩ ĩkakuulumbĩĩlia uulelua waakue.

Luka 1:30

uMalaĩka numuĩĩla, “Ulekioopoka Malia, kuitĩ waligagiaa uukende kwa kĩNzua,

Luka 2:21

Pĩna nazipika intondo munaana za kumualamia umuana, nuteegua ĩliina liakue Yesu, lĩĩlo-lĩĩloo naalityeegue numalaĩka pĩna alĩ wikaalĩ kalauukĩĩligua ĩndaa.

Utendi 10:31

nuũga, ‘Kolinelio, uulompi waako wiigagiguaa, nishadaka zaako zijukaguaa ntongela ya kĩNzua.