Apilipi 4:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ Kumpelo anũna aane, zensi naza tai, zensi nazikyullio, zensi naza kulukuuluu, zensi nanzelu, zensi naza kuloeelia, zensi nazukukũmuukaa iiza, kanga wĩĩ ukoolĩ uuza wensi, kangaa luĩ lukoolĩ lukũmo naluuza luensi, zishĩĩgĩkie inkaani izi.

Apilipi 4:8 ပူးပေါင်းရင်းမြစ်များ

Matayo 22:16

Naatuma kumuakue ĩamanigua aaao palumuĩ nĩantu a kĩHelode, naaũga, “Mumania, kumanile kĩna ue wĩmuntu wa tai, nĩnzĩla ya kĩNzua ukumĩmanagiaa mutai, kangĩ sikukusupaa kaukulu wa muntu wensi, kunsooko sikukulaaa kausiu wa antu.

Maliko 6:20

kunsooko uHelode alumoopookile uYohana, alumumanile kĩna ingĩ muntu wa kulukuuluu namuelu, numukendegeela. Pĩna numũigia nukunguala dũu nunduyo alukumũigagiaa kuulumbi.

Luka 16:15

Nuaĩĩla; “Inie niinie mukĩpeelaa ĩkulukuuluu ntongela ya antu, ĩpa uNzua ulĩngile inkolo zaani; kuitĩ nalukuligue pakatĩ ya antu lukutũla uĩĩpĩlua ntongela ya kĩNzua.

Luka 2:25

Laaa, alukoolĩ muntu mũYelusalemũ ĩliina liakue Simoni, nduyo alĩ muntu wa kulukuuluu mukulia-Nzua nulaaĩlĩĩle uupumbuligua wa Ĩsilaeli, nuMuau Muelu alukoolĩ mumuakue.

Luka 23:50

Laa alukoolĩ muntu wa Alimatea, ĩkaa ya Uyahũdi, ĩliina liakue Yosepũ, munakialo muntu muuza kangĩ munakulukuuluu;

Yohana 7:18

Uyu nukĩtambulĩlagiaa wing'ene ukudũũmaa ulukũmo luakue umuene; ĩpa uzo nukudũumaa ulukũmo luakue naalumutumile, uuyo wa tai-taaii nuwoononi ukutilĩ mumuakue.

Utendi 10:22

Naaũga, “uKolinelio, mukulu wa ulugu, munakulukuuluu, mukulia-Nzua, nutĩĩte ulukũmo luuza mundugu yensi nya Uyahũdi, alĩ mulagĩligue numalaĩka namuelu waatume antu kumuako, ue wende kumuakue, waziigie inkaani kwipũna kumuako.”

Utendi 22:12

Alukoolĩ muntu umuĩ, ĩliina liakue Anania, mukola kuukendegeela uUlagĩĩlio wensi, naalutĩĩte lukũmo naaluuza pakatĩ ya Ayahũdi ensi naĩkikyalaa kuasio,

Utendi 6:3

Luulo gua anũna ĩĩtu, muasaagule antu mupũngatĩ pakatĩ yaani, ĩa lukũmo naluuza, naijulue nuMuau nĩmasala, kuaĩĩke mumulĩmo uu.

Alumĩ 13:13

Kulutiate ulugendo nalũjĩpĩĩle ĩmunsĩ, sika kuulakũ nulugaalo, sika kuugololia nuusambo, sika kuwĩleei nuwĩĩlũ.

Alumĩ 13:3

Kuitĩ ĩakola usũũmi sika akoopookagiaa antu kunsooko ya utendi nauuza, ĩPa kunsooko ya utendi naubĩĩ. ĩpa usiiile ulekitũla nuooane pamuakue.

Alumĩ 14:18

Kuitĩ uyo nukumutumĩla uKilisito munkani izi, ukumuloeelagia uNzua, kangĩ ukugombagiguaa nĩantu.

Alumĩ 2:29

Uzo ingĩ Muyahũdi wa tai, nwa munsĩ; uwaalami wa tai ingĩ wa moo, wa kĩnkoolo sika wa wandĩkua. uLukũmo luakue sika lupũnile kuantu ĩpa kwa kĩNzua.

1 Akolinto 4:5

Iio gua, mulekilamula kalukaani pĩna likaalĩ ityũngo liakue, sunga waaze ũShekulu; nunduyo wijile kuziĩĩka muwelu nazĩpisile muwiilu, nukukumigyelelia ĩmasĩĩgo ma nkolo; paapo muntu wensi wijililigia ulukũmo luakue kwa kĩNzua.

2 Akolinto 13:7

Ĩpa kukumulompaa uNzua mulekitenda kaubĩĩ, sika kĩna ishie kwigyelele kuagombigue, ĩpa koona inie mutende naiiza, kanga ishie kutũle zĩ kualemue nakĩĩ.

2 Akolinto 6:8

muukulu katia muumelua, muutambulua ibĩĩ katia muutambulua iiza; zĩ apembeelia ĩpa kwĩantu a tai;

2 Akolinto 8:18

Nakumutuma palumuĩ ninduyo umuunũna nuasio naalĩ mukũmazukigue mumakanisa tũlũ muMpola na Nziiza;

2 Akolinto 8:21

nakusĩĩgile naza kulukuuluu sika ntongela ya kĩShekulu udũũ, ĩpa nukuntongela ya antu gaa.

Agalatia 5:22

Ĩpa itĩ ĩnkali ya kĩMuau ntĩyĩ. Uloogua, ulumbi, matiliga, ugigimĩlia untu nauuza, ukende, usuĩĩlua,

Aepeso 4:25

Luulo gua, ujiulĩ ulongo, mutambule ĩtai, wensi numunakaa waakue, kunsooko kupitũmpi, wensi katũmpĩ ka muua.

Aepeso 5:9

Kuitĩ ĩnkali ya weelu ĩkoolĩ muuuza tũlũ nĩkulukuuluu nĩtai),

Aepeso 6:14

Luulo gua, ĩĩmĩkĩ, ĩmwĩtũngile ĩtai mũyĩĩno yaani nukwijiala ĩkulukuuluu mũikũa zĩ majialo ma yuuma.

Apilipi 3:1

Kumpelo gua, anũna aane, lumbikiĩ mwa kĩShekulu kukumuandĩkĩla zizo-ziizoo sika zinkatalia ĩne, ĩpa yukumusaĩpia inie.

Akolosai 4:5

Gendelĩ kumasala ntongela yaao naa kunzi. iNtondo namuapeegue, muzitumĩle iiza.

1 Atesaloniki 4:12

koona mugendele muuuza ntongela yaao naĩĩlĩ kunzi, mulekitũla nuusilĩlua wa kiensi.

1 Timoteo 2:2

nukunsooko ya utemi nĩensi naatĩĩte uukulu; koona kwikyale muuumĩ wa utuulũ nĩmatiliga nikwitengemala kĩĩsa, kumoopoke uNzua nukwigenda mulukũmo naluuza mumpola tũlũ.

1 Timoteo 3:11

Nĩasungu gaa ĩĩ a lukũmo naluuza, sika asingĩĩlania, nasika akugaalaa, asuĩĩli mumpola zensi.

1 Timoteo 3:4

Ijĩpĩĩle wakendegeele ĩnumba yaakue iiza, nukuamanagiaa ĩaana aakue ĩniinupie nukukuapeela ĩantu ikyulio;

1 Timoteo 4:12

Muntu wensi waleke kuumela uugalimanga waako, ĩpa wĩĩ mpiani kumiao naasuĩlĩĩle, muutambuli numulugendo, muuloogua muusuĩĩli numuweelu.

1 Timoteo 5:10

namukuĩlue kuutendi nauuza, kanga alĩ mukendegeelaana, kanga alĩ musũgamĩĩlia agenda, kanga alukioogagiaa, ĩeelu ĩmũgulu, kanga aluukuaalĩĩlagiaa naakuagagiguaa, kanga aluutiatile utendi wensi nauuza.

1 Timoteo 5:2

ĩakombi zĩ amaau, nĩananso zĩ agũlĩ, kuweelu tũlũ.

Tito 1:8

ĩpa wĩĩ musũgamĩĩlia agenda, muloogua wa uuza, nusũũmile kukĩtema, munakulukuuluu, muelu, mukola kĩsiitĩlia namabĩĩ;

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Tito 2:2

ĩAnampala ĩĩ akola kĩgilia, akola kyulio, akola masala akapanga muusuĩĩli numuuloogua numuukamatĩkũ.

Tito 2:7

ĩukĩlagĩĩla uuue muene mumpola tũlũ zĩ mpiani ya utendi nauuza, sunga muumanigua waako wĩlagĩĩle uukamĩnkĩĩlũ nuwijĩpĩli,

Tito 3:14

ĩAntu ĩĩtu ndĩo ĩmanie kukĩkamatĩkia muutendi nauuza kumĩtumĩlo namasiiwe, alekitũla zĩ makota namagila kankali.

Aebulania 11:2

Kuitĩ kunzĩla ĩĩ ĩanakalĩ ĩĩtu alĩ akuĩlue.

Aebulania 13:18

Kulompeelĩ ishie, kuitĩ kumanile ya kĩna kutĩĩte moo namuuza, nukwishiia kutũle nulugendo naluuza mumpola tũlũ.

Yakobo 1:27

uWĩtekeli naweelu naugila kibyado ntongela ya kĩNzua Tata ingĩ nsuu, kukuasoolia ĩaana naakiĩlue nĩaleli, nĩakiĩlua munzago zaao, sunga kukĩkendegeela muna unkũmbigyulu, kutule kuagila kaudobũ.

Yakobo 3:17

Ĩpa ĩmasala namapũnile kukiania, kumuandio ingĩ meelu, kangĩ ingĩ ma matiliga, ma upolo, mĩlĩganĩlĩĩlie kwitegeela inkaani za antu, mijuile kĩnishungu ninkali nanziiza, magila kankankani sunga unamampĩlu.

1 Petelo 1:22

Pĩna namuzeelia inkolo zaani kukumĩgombia ĩtai, mwĩloogekigue nkankanaa mukĩnũna, ĩkutilĩ kaunamampĩlu; ĩkakiĩ gua kukĩloogua kunkolo nanzelu.

1 Petelo 2:12

Muĩ nulugendo naluuza pakatĩ ya ndugu nazĩngĩ, itĩ kanga ĩakumutũngia kĩna mukutendaa mabĩĩ, pĩna alaaile uutendi waani nauuza, amukulie uNzua palutondo lwa kuuza kwilĩngulua.

1 Petelo 4:8

Kwikĩla tũlũ muĩ nuwĩkakia wingĩ muwĩloogua, kunsooko uuloogua ukukũnĩkĩlaa uwingĩ wa mĩlandu.

2 Petelo 3:1

Aloogua, ĩĩ yaĩ mbalua ya kabĩlĩ nanukumuandĩkĩĩla; muzaasio nazibĩlĩ nalaĩlia ĩmasĩĩgo maani namaaza kukumũjukia,

1 Yohana 3:18

Ana aane, kulekiloogua kulukaani katia palulĩmĩ, ĩpa yĩĩ kuutendi nukutai.

1 Yohana 3:3

Kangĩ wensi nutĩĩte uulaaĩĩli uu kumuakue ukĩeelagiaa, kĩna umuene namuelu.

1 Yohana 4:1

Aloogua, mulekishuĩĩla ĩnkolo zensi, ĩpa zigemĩ inkolo kanga ĩzipũnile kwa kĩNzua; kunsooko ĩanakĩdagu aulongo iingĩ igyelelaa muna unkũmbigyulu.