Apilipi 4:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ uUpolo waani wigyelele kuantu tũlũ. ũShekulu wĩpiipĩ.

Apilipi 4:5 ပူးပေါင်းရင်းမြစ်များ

Matayo 6:25

“Luulo gua, namuĩĩla. Lekĩ kuukunkunalĩla uumĩ waani, mulĩe yaani katia mukope yaani; Sunga umuĩlĩ waani, mwĩtũnge yaani. Uumĩ sika ukĩlĩkĩlĩĩlene india; numuĩlĩ sika ukĩlĩkĩlĩĩlene uwĩtũngi?

Matayo 6:34

Muleke kuzikunkunalĩla ĩza mudaau, kunsooko mudaau ĩkakĩkunkunalĩla ĩzaakue. uUbĩĩ wa lutondo wendile muumo mulutondo luulo.”

Luka 21:34

“Ĩsukukĩ gua, inkolo zaani zilekilemeeligua nuulakũ nulugaalo nuukunkunali wa uumĩ uu, sunga ulutondo luasio lumuagaane kumpũmpũkĩli zĩ mutego nukuguĩlanagiaa.

1 Akolinto 16:22

uMuntu nasikumuloilue ũShekulu nuĩ muzũmue. Shekulu wĩĩtu, poloka!

1 Akolinto 6:7

Iio gua, sunga kukĩsokia niinie kuniinie mulukaani luensi, ingĩ ulemua waani. Sika taazune kwitendelua uubĩĩ. Sika taazune kwinamantulua inshao zaani?

1 Akolinto 8:13

Luulo gua, kanga india ĩzukumukũmpia umunũna waane, sika nijililĩa ĩnama kainino sunga ĩkalĩ nakalĩ, ndeke kumukũmpia umunũna waane.

1 Akolinto 9:25

Wensi nukĩtiganĩĩlaa ukĩgilagiaa mutũlũ zensi; Ĩaasio gua, koona aanũnkule ĩngala nyukoonekaa; ĩpa ishie nasika yukoononekaa.

2 Akolinto 10:1

Ĩne neene Paulo, neene nukumupepia inie kuupolo nĩkĩsuusu kya kĩKilisito; ĩne nanĩmwĩniinupia pĩna nkoolĩ pakatĩ yaani, ĩpa pĩna nukutilĩ ĩnkolo yaane nkamũ kumiani!

2 Atesaloniki 2:2

Mulekishũngũsigua kuukaaũ mwishala liani nukwitunduala, kanga yĩĩ kunkolo katia kulukaani, katia kumbalua nansĩĩgilue kĩna yĩĩtu, ya kĩna uLutondo lwa kĩShekulu lwapikaa.

Tito 3:2

aleke kumutukĩla kamuntu, alekitũla aleei, atũle aaza, ĩilagĩĩla uupolo tũlũ kuantu ensi.

Aebulania 10:25

Kulekileka kukĩlundĩĩla palumuĩ, kĩna ĩntendo ya naĩngĩ, ipa kwĩkamie nkolo ndiishie kundiishie, naikulu nangũlũ pĩna muoonie uLutondo luasio lwasũgamĩĩla.

Aebulania 10:37

Kuitĩ kĩlĩ katũngo kaniino udũũ, Uyo nwijile ukiiza, sika ukitinia.

1 Petelo 1:11

naakeesekia kĩna muntu kĩ nityũngo kĩ naalĩ lyagĩĩligue nuMuau wa kĩKilisito naalĩ wĩĩlĩ munsĩ yaao, pĩna alukuatongeela kwikuĩla impola za waagigua wa kĩKilisito nuukulu naukitiata.

1 Petelo 4:7

ĩMpelo ya intu tũlũ yasũgamĩĩlaa; luulo gua, ĩsukukĩ mukengeale kuulompi.

Ukũnukulua 22:20

Nukuzikuĩla izi uũgile, “Eeze mpolokile kuukaaũ.” Amini. Nzuu, Shekulu Yesu!

Ukũnukulua 22:7

Laaa, nijile kuukaaũ;” Mukembetue unuasio nukuzikendegeelaa inkaani za uunakĩdagu wa kĩtabũ ĩkĩ.