Apilipi 4:14 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁴ Ĩpa itĩ alĩ mutendile iiza dũũ kwikamantana nineene muwaagigua waane.

Apilipi 4:14 ပူးပေါင်းရင်းမြစ်များ

Matayo 25:21

ũShekulu waakue numuĩĩla, ‘Iiza gua, umwĩtumi namuuza numusuĩĩli; alĩ umusuĩĩli kuna ikeei, nĩkakukuĩĩka wĩĩ umukulu wa mingĩ; ingĩla muulumbi wa kĩShekulu waako.’

Alumĩ 15:27

Kuitĩ yĩaloelĩĩlie, kangĩ alĩ antu a mpaa kumuao; kuitĩ kanga indugu nazĩngĩ alĩ zikamantĩĩne muintu yaao ya kĩnkoolo, ijĩpĩĩle aatumĩle muintu yaao ya kĩmuĩlĩ.

Agalatia 6:6

uMumanigua nwakamantane numumania waakue muuuza tũlũ.

Apilipi 1:7

Itĩ yoi injĩpĩĩle kukumusĩĩgĩla inie tũlũ; kunsooko inie mukoolĩ munkolo yaane, mwĩakamantani palumuĩ nineene muukende, muutũngua waane, sunga pĩna nukuzikuĩla Mpola na Nziiza nukukuzikamĩnkĩĩlia.

Apilipi 4:18

Ntĩĩte intu tũlũ nukwikĩlĩkĩĩla, nijuilie ndee, pĩna alĩ naanũnkuĩle kumukono wa kĩEpapulodito iintu naalĩ ipũnile kumiani zĩ munũnku namuuza, sadaka nya ugombigua, nĩmuloelĩĩlie uNzua.

1 Timoteo 6:18

Atende namaaza, atũle agolĩ kuutendi nauuza, apũnie inshao zaao kuukende, akamantane nĩnaĩngĩ muusilĩlua waao.

Aebulania 10:33

intondo nzia namuĩĩkua kualiĩ pautukĩlua nimpatĩ, intondo nzia namukamantana nĩaasio naalĩ atendelue yaasio.

Aebulania 10:34

Kuitĩ alĩ muakolĩĩlue kĩsuusu ĩaasio naalĩ ĩĩlĩ mukitũngo, namugomba kuulumbi kwileegeligua inshao zaani, kunsooko alĩ mumanile kĩna alĩ mutĩĩte ĩnsao nanziiza nangũlũ nikikyalaa.

Aebulania 13:16

Ĩpa itĩ mulekiĩĩwa kwitenda naiiza nukwikamantana, kuitĩ ĩmapũnio kĩna aya makumuloeelagiaa uNzua.

Ukũnukulua 1:9

Neene Yohana, umunũna waani, mukamantani palumuĩ niniinie munzago numuutemi numuugigimĩlia wa kĩYesu, alĩ nĩĩlĩ mukĩsiwa nakyukuĩtagua Paatimo kunsooko ya Lukaani lwa kĩNzua, nukunsooko ya ukuĩli wa kĩYesu.